പ്രളയ പുനരുദ്ധാരണ പ്രവർത്തനങ്ങൾ ഊർജിത നടപടിക്ക് ജില്ലാ പഞ്ചായത്ത്
സ്വന്തം ലേഖകൻ കോട്ടയം: കോവിഡ് മഹാവ്യാധി യോടൊപ്പം പ്രളയവും, പ്രകൃതിദുരന്തങ്ങളും കൂടി ജില്ലയിലെ ജനങ്ങൾ വലിയ ദുരിതങ്ങൾക്ക് ഇരയായിരിക്കുന്നതിനാൽ ദുരിതാശ്വാസ നടപടികൾക്കും, പ്രളയ പുനരുദ്ധാരണ പ്രവർത്തനങ്ങൾക്കും ഊർജിതമായി മുന്നിട്ടിറങ്ങുന്നതിന് ജില്ലാ പഞ്ചായത്ത് തീരുമാനിച്ചു. പ്രളയ, പ്രകൃതി ദുരന്ത നിവാരണ പ്രവൃത്തികൾക്ക് ഒരു കോടി രൂപ അനുവദിച്ച് വിവിധ ദുരന്തനിവാരണ പ്രവർത്തികൾ ഏറ്റെടുത്തു നടപ്പിലാക്കുന്നതിനുള്ള നടപടിക്രമങ്ങൾ ആരംഭിച്ചു. പ്രളയം മൂലം ദുരിതം അനുഭവിക്കുന്ന ജില്ലയുടെ പടിഞ്ഞാറൻ മേഖലയ്ക്കും, മണ്ണിടിച്ചിൽ, ഉരുൾപൊട്ടൽ എന്നിവ മൂലം ദുരിതം ബാധിച്ച കിഴക്കൻ മേഖലയ്ക്കും പ്രത്യേക പദ്ധതികളാണ് ആവിഷ്‌കരിച്ചിട്ടുള്ളത്. കൃഷിനാശം സംഭവിച്ച […]
