തരിശ്നില കൃഷി ശില്പശാല മാർച്ച് 2 നു

സ്വന്തംലേഖകൻ കോട്ടയ: മീനച്ചിലാർ മീനന്തറയാർ കൊടുരാർ പുനർസംയോജന പദ്ധതിയുടെ ഭാഗമായി കോട്ടയും ജില്ലയിലെ എല്ലാ തരിശ് നിലങ്ങളിലും കൃഷി ഇറക്കുന്നതിന് നടത്തേണ്ട പ്രവർത്തനങ്ങളുടെ രൂപരേഖ തയ്യാറാക്കുന്നതിനായി ജില്ലാതലത്തിൽ നടക്കുന്ന ശില്പശാല മാർച്ച് രണ്ടിന് വൈകുന്നേരം മൂന്ന് മണിക്ക് കോട്ടയം സഹകരണ അർബൻ ബാങ്ക് ഹാളിൽ നടക്കുമെന്ന് കോർഡിനേറ്റർ അഡ്വ.കെ.അനിൽ കുമാർ അറിയിച്ചു. ജില്ലാ കളക്ടർ ശ്രി. സുധീർ ബാബു ശില്പശാല ഉദ്ഘാടനം ചെയ്യും. ജലവിഭവ വകുപ്പ് എക്സിക്യുട്ടീവ് എഞ്ചിനീയർ ഡോ.കെ.ജെ .ജോർജ് അദ്ധ്യക്ഷത വഹിക്കും.കൃഷി വികസനത്തിനായി തയ്യാറാക്കിയ രൂപരേഖ പ്രിൻസിപ്പൽ കൃഷി വികസന ഓഫിസർ […]

കുടുംബശ്രീ വനിതകൾ നിർമ്മിച്ച ലൈഫ് ഭവനം,ജില്ലയിൽ ആദ്യത്തേത് കുറിച്ചിയിൽ. താക്കോൽദാനം സി.എഫ് തോമസ് എം.എൽ.എ നിർവഹിച്ചു

സ്വന്തംലേഖകൻ കോട്ടയം: കുടുംബശ്രീ കൺസ്ട്രക്ഷൻ ഗ്രൂപ്പിന്റെ നേതൃത്വത്തിൽ നിർമ്മാണം പൂർത്തീകരിച്ച ജില്ലയിലെ ആദ്യത്തെ ലൈഫ് ഭവനത്തിന്റെ താക്കോൽദാക്കം കുറിച്ചിയിൽ സി.എഫ് തോമസ് എം.എൽ.എ നിർവഹിച്ചു . സ്ത്രീകൾ അടുക്കളയിൽ നിന്ന് സമൂഹത്തിന്റെ എല്ലാ മേഖലകളിലേക്കും കടന്നു വരികയാണ് ,നാടിന്റെ ശ്രദ്ധ പിടിച്ച് പറ്റി വീട് നിർമ്മിച്ചതോടെ കുടുംബശ്രീ പ്രവർത്തകരിലൂടെ പുതിയ റെക്കോർഡാണ് കുറിച്ചി പഞ്ചായത്ത് സൃഷ്ടിച്ചിരിക്കുന്നതെന്നും അദ്ദേഹം പറഞ്ഞു. അതോടൊപ്പം കുടുംബശ്രീ പ്രവർത്തകർ ഈ പ്രവർത്തനങ്ങളിലൂടെ ആദരിക്കപ്പെടുകയാണെന്നും ,വീടു നിർമ്മിക്കാൻ നേതൃത്വം നൽകിയ എല്ലാവരെയും അഭിനന്ദിക്കുമെന്നും അദ്ദേഹം കൂട്ടിച്ചേർത്തു. കൺസ്ട്രക്ഷൻ ഗ്രൂപ്പിലെ അംഗങ്ങൾക്കുള്ള സർട്ടിഫിക്കറ്റ് […]

കാർഷിക മൂല്യവർദ്ധിത ഉൽപ്പന്നങ്ങൾക്ക് ഇനി സഞ്ചരിക്കുന്ന വിപണനകേന്ദ്രം

സ്വന്തംലേഖകൻ കോട്ടയം: ജില്ലയിലെ സംഘകൃഷി ഗ്രൂപ്പുകളിലെ കാർഷിക ഉൽപ്പന്നങ്ങൾ മൂല്യവർദ്ധിത ഉൽപ്പന്നങ്ങളാക്കി വിപണനം ചെയ്ത് കുടുംബശ്രീ അംഗങ്ങൾക്ക് സുസ്ഥിര വരുമാനം ഉറപ്പുവരുത്തുന്നതിനായി കുടുംബശ്രീ ജില്ലാ മിഷന്റെ സഹകരണത്തോടെ ആരംഭിച്ച കാർഷിക മൂല്യവർദ്ധിത ഉൽപ്പന്നങ്ങളുടെ സഞ്ചരിക്കുന്ന വിപണന കേന്ദ്രത്തിന്റ ഫ്ലാഗ് ഓഫ് സി.കെ ആശ എം.എൽ.എ നിർവഹിച്ചു . നാഗമ്പടം മൈതാനത്ത് നടന്ന ചടങ്ങിൽ ജില്ലാ കളക്ടർ പി.കെ സുധീർ ബാബു ഐ.എ.എസ്, സബ് കളക്ടർ ഈഷ പ്രിയ ഐ.എ.എസ്, കുമരകം ഗ്രാമപഞ്ചായത്ത് പ്രസിഡന്റ് എ.പി സലിമോൻ, കുടുംബശ്രീ ജില്ലാ മിഷൻ കോർഡിനേറ്റർ പി.എൻ സുരേഷ് […]

സംസ്ഥാന സർക്കാരിന്റെ ആയിരം ദിവസ അഘോഷവേദിയിൽ സമർപ്പണവുമായി കേരള പൊലീസ്

സ്വന്തം ലേഖകൻ കോട്ടയം: സംസ്ഥാന സർക്കാരിന്റെ ആയിരം ദിനാഘോഷത്തിന്റെ ഭാഗമായി നാം മുന്നോട്ട് പ്രദർശനത്തിൽ സമർപ്പണവുമായി കേരള പൊലീസ്. നാഗമ്പടം മൈതാനത്തെ പ്രദർശന വേദിയിലാണ് ജില്ലാ പൊലീസിന്റെ സമർപ്പണം എന്ന പേരിലുള്ള നാടകം അരങ്ങേറിയത്. ഓണന്തുരുത്ത് രാജശേഖരൻ നിർമ്മിച്ച് പൊലീസുകാർ മാത്രമാണ് ഈ നാടകത്തിൽ വേഷമിട്ടിരിക്കുന്നത്. പൊലീസുകാരുടെ ഡ്യൂട്ടിയുടെയും സമർപ്പണത്തിന്റെയും സാമൂഹ്യ സേവനത്തിന്റെയും കഥയാണ് സമർപ്പണം എന്ന നാടകത്തിലൂടെ അവതരിപ്പിച്ചത്. ജില്ലാ പൊലീസ് സേനയിലെ ജോഷു, രാഹുൽ, അജയൻ, റെജി, സജയൻ വനിതാ പൊലീസ് ഉദ്യോഗസ്ഥരായ നിസ, പ്രിയങ്ക എന്നിവരാണ് നാടകത്തിൽ വേഷമിട്ടിരുന്നത്. പൊലീസിന്റെ […]

ജലനിധി പദ്ധതി നടപ്പാക്കുകയും, വാട്ടർ അതോറിറ്റി തുടരുകയും ചെയ്യുക: അയ്മനത്ത് കോൺഗ്രസിന്റെ പ്രതിഷേധ ധർണ

സ്വന്തം ലേഖകൻ അയ്മനം: ജലനിധി പദ്ധതി ഉടൻ നടപ്പാക്കുക, പഞ്ചായത്തിൽ വാട്ടർ അതോറിറ്റിയുടെ സേവനം നില നിർത്തുക, അയ്മനം കല്ലുങ്കത്ര റോഡിലെ അനധികൃത കയ്യേറ്റങ്ങൾ ഒഴിപ്പിച്ച വീതികൂട്ടി എട്ട് മീറ്ററായി പുനസ്്ഥാപിച്ച് പണി പൂർത്തിയാക്കു, ജലനിധി പദ്ധതിയ്ക്കായി പൊളിച്ച റോഡുകൾ സഞ്ചാരയോഗ്യമാക്കുക, വാഹനങ്ങളിൽ കുടിവെള്ള വിതരണം ആരംഭിക്കുക എന്നീ ആവശ്യങ്ങൾ ഉന്നയിച്ച് അയ്മനം മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ അയ്മനം പഞ്ചായത്ത് ഓഫിസ് പടിക്കൽ ധർണ നടത്തി. കെ.പി.സിസി നിർവാഹക സമിതി അംഗം അഡ്വ.ജി.ഗോപകുമാർ യോഗം ഉദ്ഘാടനം ചെയ്തു. മണ്ഡലം പ്രസിഡന്റ് ജയ്‌മോൻ കരീമഠം […]

ശാസ്ത്രി റോഡിലെ ഓട ആളെ കൊല്ലുമോ ? അപകടാവസ്ഥയിൽ വെട്ടിപൊളിച്ചിട്ട് മാസങ്ങൾ കഴിഞ്ഞിട്ടും തിരിഞ്ഞു നോക്കാതെ കോട്ടയം നഗരസഭ..

സ്വന്തംലേഖകൻ കോട്ടയം : നവീകരണത്തിന്റെ പേരിൽ കോട്ടയം നഗരസഭ വെട്ടിപൊളിച്ചിട്ട ശാസ്ത്രി റോഡിലെ ഓട കാൽ നടയാത്രക്കാർക് ഉൾപ്പടെ ഭീക്ഷണിയാകുന്നു. മാലിന്യങ്ങൾ നിറഞ്ഞു ഓട ബ്ലോക്കായതോടെ നവീകരണത്തിനായി ആറു മാസങ്ങൾക്കു മുമ്പ് നഗരസഭയിലെ ശുചീകരണ തൊഴിലാളികളുടെ നേതൃത്വത്തിലായിരുന്നു ഓട ജെ.സി.ബി ഉപയോഗിച്ച് വെട്ടിപൊളിച്ചതു. ഇവിടെ നിന്ന് നീക്കം ചെയ്ത മണ്ണ് റോഡരികിലേക്ക് കൂട്ടിയിടുകയും ചെയ്തു. എന്നാൽ ഇതിനു ശേഷം നവീകരിക്കേണ്ട ഉത്തരവാദിത്വം പൊതുമരാമത്തു വകുപ്പിനാണെന്നും നഗരസഭയുടെ ഫണ്ട് തികയില്ലെന്നും ചൂണ്ടിക്കാണ്ടി നവീകരണത്തിൽ നിന്നും കോട്ടയം നഗരസഭാ പിന്മാറുകയായിരുന്നു. ഇതോടെ പണി പാതിവഴിയിലായി. റോഡ് അരികിൽ […]

സ്ത്രീകൾക്കും കുട്ടികൾക്കും സൗജന്യ നിയമസഹായവുമായി വനിതാ ശിശു വികസന വകുപ്പ്

സ്വന്തംലേഖകൻ കോട്ടയം : സംസ്ഥാന സർക്കാരിന്റെ ആയിരം ദിനാഘോഷ പരിപാടിയിൽ സ്ത്രീകൾക്കും കുട്ടികൾക്കും സൗജന്യ നിയമസഹായവുമായി വനിതാ ശിശു വികസന വകുപ്പ്. നാഗമ്പടം മൈതാനിയിൽ ഒരുക്കിയിരിക്കുന്ന വനിതാ ശിശു വികസന വകുപ്പിന്റെ സ്റ്റാളിലാണ് സ്ത്രീകളുടെയും കുട്ടികളുടെയും പരാതി കേൾക്കുന്നതിനും സൗജന്യ നിയമ സഹായം നൽകുന്നതിനുമുള്ള സംവിധാനം ഒരുക്കിയിരിക്കുന്നത്. സ്റ്റാൾ പ്രവർത്തനം ആരംഭിച്ചു ഇതിനോടകം മുപ്പതോളം പരാതികളാണ് ലഭിച്ചിരിക്കുന്നത്. പരാതി കേൾക്കുന്നതിനായി ഒരു ലീഗൽ കൗൺസിലർ, ഫാമിലി കൗൺസിലർ, വനിതാ പ്രൊട്ടക്ഷൻ ഓഫീസർ എന്നിവരുടെ സേവനം ലഭ്യമാണ്. കൂടാതെ ഐ.സി.ഡി.എസ് പ്രവർത്തകരുടെ നേതൃത്വത്തിൽ പോഷകാഹാരമായ അമൃതം […]