മദ്യലഹരിയില്‍ എത്തിയ ടൂറിസ്റ്റുകള്‍ നഗ്നരായി കുളിച്ചത് സ്ത്രീകളുടെ കുളിക്കടവിൽ; നാട്ടുകാർ ചോദ്യം ചെയ്യാനെത്തിയതോടെ തര്‍ക്കം സംഘര്‍ഷത്തിലേക്ക്; വിതുരയിലെ കയ്യാങ്കളിയില്‍ സ്ത്രീകളെ അടക്കം മർദ്ദിച്ചതായി പരാതി
സ്വന്തം ലേഖിക തിരുവനന്തപുരം: വിതുരയില്‍ നാട്ടുകാരും റിസോര്‍ട്ടുകാരും തമ്മിലുള്ള തര്‍ക്കം സംഘര്‍ഷത്തിലേക്ക്. കാലങ്ങളായി ഇവിടെ നാട്ടുകാരും റിസോര്‍ട്ടുകാരും തമ്മില്‍ വാക്കുതര്‍ക്കം പതിവായിരുന്നു. റിസോര്‍ട്ടില്‍ വന്നവര്‍ ആറ്റില്‍ സ്ത്രീകളുടെ കുളിക്കടവില്‍ നഗ്നരായി കുളിച്ചതോടെ നാട്ടുകാര്‍ റിസോര്‍ട്ടില്‍ ചോദ്യം ചെയ്യാനെത്തി. പിന്നീട് സംഘര്‍ഷത്തിലേക്കും അത് വഴിവെച്ചു. തുടര്‍ന്നുണ്ടായ അടിപിടിയില്‍ ഇരുവിഭാഗങ്ങളിലുള്ളവര്‍ക്കും പരിക്കേറ്റു. വിതുര ചെറ്റച്ചല്‍ ആറ്റിന്റെ കരയില്‍ പേട്ട സ്വദേശിയായ സുജിത്തിന്റെ ഉടമസ്ഥതയിലുള്ള സ്ഥലത്ത് ഒരുവര്‍ഷമായി റിസോര്‍ട്ടിന്റെ നിര്‍മ്മാണപ്രവര്‍ത്തനങ്ങള്‍ നടന്നുവരികയാണ്. ഇതേ ചൊല്ലി തര്‍ക്കങ്ങളും നിലനിന്നിരുന്നു. നേരത്തെ ആറ്റിലെ ദൃശ്യങ്ങള്‍ പകര്‍ത്തുന്ന രീതിയില്‍ ക്യാമറകള്‍ സ്ഥാപിച്ചെന്ന് ആരോപിച്ച്‌ […]
