ഷോറൂമില്‍ നിന്നിറക്കിയ പുതിയ കാര്‍ എതിര്‍വശത്തെ ഫര്‍ണിച്ചര്‍ കടയില്‍ ഇടിച്ചുകയറി; ഡ്രൈവറുടെ അശ്രദ്ധയാണ് അപകട കാരണമെന്ന് നിഗമനം; അപകടം കാര്‍ നാരങ്ങയ്ക്ക് മുകളിലൂടെ കയറ്റുന്ന ചടങ്ങിനിടെ

സ്വന്തം ലേഖിക

കോഴിക്കോട്: വാഹന ഷോറൂമില്‍ നിന്ന് പുറത്തിറക്കിയ പുതിയ കാര്‍ എതിര്‍വശത്തുള്ള ഫര്‍ണിച്ചര്‍ കടയിലേക്ക് ഇടിച്ചുകയറി.

വെള്ളിയാഴ്ച ഉച്ച 12 മണിയോടെ കോഴിക്കോട് പുതിയറയില്‍ ആണ് സംഭവം. ഡ്രൈവറുടെ അശ്രദ്ധയാണ് അപകട കാരണമെന്നാണ് നിഗമനം.

ഹ്യൂണ്ടായ് ഷോറൂമില്‍ നിന്നും പുറത്തിറക്കിയ പുതിയ ഗ്രാന്റ് ഐടെന്‍ നിയോസ് കാര്‍ ആണ് സിംപിള്‍ ഫര്‍ണിച്ചറിലേക്ക് ഇടിച്ചു കയറിയത്.

കടയുടെ മുന്‍വശത്തെ ഗ്ലാസുകള്‍ തകര്‍ന്നു. നാശനഷ്ടം കണക്കാക്കി വരികയാണ്. പുതിയ കാര്‍ നാരങ്ങയ്ക്ക് മുകളിലൂടെ കയറ്റുന്ന ചടങ്ങിനിടെയായിരുന്നു അപകടം.