കോട്ടയത്ത് സ്വകാര്യ ബസ് ഉടമ ഒരു ദിവസത്തെ വരുമാനം വയനാട് ദുരന്തത്തിൽപ്പെട്ടവർക്കായി നൽകുന്നു:മുഴിപ്പാറ ട്രാവൽസിന്റെ 7 ബസുകളുടെ ഇന്നത്തെ കളക്‌ഷൻ തുക വയനാട് ദുരിത ബാധിതർക്കു നല്കും.

സ്വന്തം ലേഖകൻ
കോട്ടയം : കോട്ടയത്ത് സ്വകാര്യ ബസ് ഉടമ ഒരു ദിവസത്തെ വരുമാനം വയനാട് ദുരന്തത്തിൽപ്പെട്ടവർക്കായി നൽകുന്നു മുഴിപ്പാറ ട്രാവൽസിന്റെ 7 ബസുകളുടെ ഇന്നത്തെ കലക്‌ഷൻ തുക വയനാട് ദുരിത ബാധിതർക്കു നൽകാൻ തീരുമാനിച്ചു.

കോട്ടയം-ചങ്ങനാശേരി, കോട്ടയം-ഞാലിയാകുഴി, കോട്ടയം-കുമരകം എന്നീ റൂട്ടുകളിൽ മുഴിപ്പാറ, സെന്റ് ജോൺസ് എന്നീ പേരുകളിൽ 7 ബസുകളാണ് സർവീസ് നടത്തുന്നത്.ഈ ബസുകളുടെ ഇന്നത്തെ കളക്ഷൻ ദുരിതാശ്വാസ നിധിയിലേക്ക് നല്കും.

ബസുടമ കൊച്ചുമോൻ മൂഴി പ്പാറയുടെ ആശയം ജീവനക്കാർ അംഗീകരിക്കുകയായിരുന്നു. 14 ജീവനക്കാരുടെ ശമ്പളവും അവർ സംഭാവന നൽകും.

ടിക്കറ്റ് ഒഴിവാക്കി പ്രത്യേക കലക്ഷൻ ബക്കറ്റുകളിലാണ് ഇന്ന് ബസുകളിൽ യാത്ര ചെയ്യുന്നവർ നൽകുന്ന തുക സ്വീകരിക്കുന്നത്. ഈ തുക കലക്ടർക്ക് കൈമാറും.