പത്തനംതിട്ട ഇലുവങ്കലിൽ ശബരിമല തീർത്ഥാടകർ സഞ്ചരിച്ച ബസ് കൊക്കയിലേക്ക് മറിഞ്ഞ്‌ അപകടം..! നിരവധി പേർക്ക് പരിക്ക്; ഡ്രൈവറുടെ നില ഗുരുതരം

സ്വന്തം ലേഖകൻ

പത്തനംതിട്ട : ശബരിമല തീർത്ഥാടകർ സഞ്ചരിച്ച ബസ് കൊക്കയിലേക്ക് മറിഞ്ഞ്‌ അപകടം. പത്തനംതിട്ട നിലയ്ക്കലിന് സമീപം ഇലുവങ്കലിലാണ് അപകടം. നിരവധി പേർക്ക് പരിക്കേറ്റു. പരിക്കേറ്റവരെ വിവിധ ആശുപത്രികളിൽ പ്രവേശിപ്പിച്ചു.

തമിഴ്നാട്ടിലെ തഞ്ചാവൂരിൽനിന്നുള്ള തീർഥാടകരാണ് അപകടത്തിൽപ്പെട്ടത്. ഡ്രൈവറുടെ പരിക്ക് ഗുരുതരമാണെന്നാണ് റിപ്പോർട്ട്.

ബസിലുണ്ടായിരുന്ന എല്ലാവർക്കും പരുക്കേറ്റിട്ടുണ്ട്. ബസ് വെട്ടിപ്പൊളിച്ചാണ് യാത്രക്കാരെ പുറത്തെടുത്തത്.

ശബരിമല ദർശനത്തിനു ശേഷം മടങ്ങുമ്പോഴാണ് അപകടം. ഡ്രൈവർ ഉറങ്ങിപ്പോയതാണ് അപകടകാരണമെന്നാണ് നിഗമനം.