ബൈക്ക് യാത്രികനെ കുറുക്കന്‍ ആക്രമിച്ചു; കാലില്‍ ആഴത്തില്‍ മുറിവ്; യുവാവ് സ്വകാര്യ ആശുപത്രിയില്‍ ചികിത്സയിൽ

സ്വന്തം ലേഖിക

കണ്ണൂര്‍: പയ്യന്നൂരില്‍ ബൈക്ക് യാത്രികനായ യുവാവിന് കുറുക്കന്റെ കടിയേറ്റു.

പെരളം സ്വദേശിയായ രാജേഷിനെയാണ് കുറുക്കൻ ആക്രമിച്ചത്.
ഇന്ന് വൈകിട്ട് എഴ് മണിയോടെയാണ് സംഭവമുണ്ടാകുന്നത്.

ബൈക്കില്‍ പോകുകയായിരുന്ന രാജേഷിന്റെ സമീപത്തേക്ക് കുറുക്കൻ ചാടിവീഴുകയും കാലില്‍ കടിയ്‌ക്കുകയുമായിരുന്നു. കാലിന് ആഴത്തില്‍ മുറിവേറ്റിട്ടുണ്ട്.

മുറിവേറ്റ രാജേഷിനെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്.