ആലപ്പുഴയിൽ ഓട മുറിച്ചു കടക്കാൻ നിരത്തിവെച്ച പലക തകർന്നു: നിർമ്മാണത്തിലിരുന്ന ഓടയിൽ വീണ് ഗർഭിണി, അപകടം ഒഴിവായത് തലനാരിഴയ്ക്ക്

ആലപ്പുഴ: നിർമാണത്തിലിരുന്ന ഓടയിലേക്ക് ​ഗർഭിണി വീണു. ആലപ്പുഴ ഇന്ദിരാജംഗ്‌ഷന്‌ സമീപത്താണ് സംഭവം. കൃത്യമായി മൂടാതെ അലക്ഷ്യമായി ഉപേക്ഷിച്ച ഓടയിലേക്കാണ് ഇവർ വീണത്. പരിക്കുകളില്ലാതെ യുവതി രക്ഷപെട്ടു.

കഴിഞ്ഞ ബുധനാഴ്ച രാത്രിയായിരുന്നു സംഭവം. കുഴിച്ചിട്ട ഭാ​ഗത്ത് അപകട സൂചന നൽകുന്ന സൈൻ ബോർഡ് സ്ഥാപിച്ചിരുന്നില്ല. കാൽനട യാത്രക്കാർക്ക് സഞ്ചരിക്കാൻ പലകകൾ നിരത്തിയിട്ടിരിക്കുകയായിരുന്നു.

ആറ് മാസത്തിലേറെയായി ഓട നിർമ്മാണം ആരംഭിച്ചതാണ്. എന്നാൽ ഇതുവരെയും നിർമ്മാണം പൂർത്തിയായിട്ടില്ല എന്ന് പ്രദേശവാസികൾ പറയുന്നു. ആളുകൾക്ക് കടന്നു പോകാൻ പലകകൾ മാത്രമാണ് ഇവിടെ ക്രമീകരിച്ചിട്ടുള്ളത്.