ഓടിക്കോണ്ടിരുന്ന കാറിനു മുകളിൽ മരം വീണ് വീട്ടമ്മ മരിച്ചു; അച്ഛനും മകനും പരിക്ക്

സ്വന്തം ലേഖകൻ 

കട്ടപ്പന: ഓടിക്കോണ്ടിരുന്ന കാറിനു മുകളിൽ മരം വീണ് വീട്ടമ്മ മരിച്ചു. കീരിത്തോട് പെണ്ട നാത്ത് വീട്ടിൽ സെബാസ്റ്റ്യന്റെ ഭാര്യ സൂസന്നാമ്മ (62) ആണ് മരിച്ചത്.

ഇന്ന് വെകുന്നേരം അഞ്ചിന് അപ്പാപ്പൻ പടിയിലായിരുന്നു അപകടം.

ശക്തമായ മഴയിൽ മരം കടപുഴകി ഓടിക്കോണ്ടിരുന്ന വാഗൺ ആർ കാറിന്റെ മുകളിലേക്ക് വീഴുകയായിരുന്നു.

ഈ സമയം കാറിനുള്ളിൽ സെബാസ്റ്റ്യനും മകൻ അരുണും ഉണ്ടായിരുന്നു.

ഗുരുതരമായി പരിക്കേറ്റ് സൂസന്നാമ്മയെ കട്ടപ്പനയിലെ ജോൺസ് ആശുപത്രിയിലേക്ക് കൊണ്ടു പോകുംവഴി മരണപ്പെടുകയായിരുന്നു.

പരിക്കേറ്റ സെബാസ്റ്റ്യനെയും അരുണിനെയും
ഇതേ ആശുപത്രിയിൽ തന്നെ പ്രവേശിപ്പിച്ചു.