കുമരകം ശ്രീകുമാരമംഗലം ക്ഷേത്രത്തിൽ മേട മാസ ഷഷ്ഠിപൂജ ഏപ്രിൽ 22-ന്

കുമരകം: ശ്രീകുമാരമംഗലം ക്ഷേത്രത്തിലെ മേടമാസ ഷഷ്ഠിപൂജ ഏപ്രിൽ 22 ബുധനാഴ്ച നടക്കും. രാവിലെ 11.30 മുതൽ പഞ്ചാമൃത അഭിഷേകം, നെയ്യ് അഭിഷേകം, പനിനീർ അഭിഷേകം, ഭസ്മാഭിഷേകം എന്നിവയും ഉച്ചയ്ക്ക് 12.30-ന് ഷഷ്ഠിപൂജയും നടക്കും.

Link

Embed

Copy and paste this HTML code into your webpage to embed.

പൊൻകാവടി, നാരങ്ങ സമർപ്പണം എന്നീ വഴിപാടുകൾക്കൊപ്പം ഉച്ചയ്ക്ക് ഒന്നിന് അന്നദാനവും ഉണ്ടായിരിക്കും. ആറ്റുചിറ അഭിനാ വിശ്വനാണ് അന്നദാന വഴിപാട് സമർപ്പിച്ചിരിക്കുന്നത്.

ക്ഷേത്രം തന്ത്രി എരമല്ലൂർ ഉഷേന്ദ്രൻ തന്ത്രി, മേൽശാന്തി പി.എം. മോനേഷ് ശാന്തി എന്നിവർ ചടങ്ങുകൾക്ക് മുഖ്യകർമ്മികത്വം വഹിക്കും.

രാത്രി എട്ടിന് വിശേഷപ്പെട്ട പാനക പൂജയോടെ ചടങ്ങുകൾ സമാപിക്കും. ഷഷ്ഠിപൂജയ്ക്കായുള്ള ഒരുക്കങ്ങൾ പൂർത്തിയായതായി ദേവസ്വം പ്രസിഡന്റ് എ.കെ. ജയപ്രകാശ് അറിയിച്ചു.