വയോധികയെ കിണറ്റിൽ വീണു മരിച്ച നിലയിൽ കണ്ടെത്തി

തിരുവനന്തപുരം: വയോധികയെ കിണറ്റിൽ വീണു മരിച്ച നിലയിൽ കണ്ടെത്തി. വിഴിഞ്ഞം തെരുവ് രാജി ഭവനിൽ സുകുമാരൻ ആശാരിയുടെ ഭാര്യ എ ശാന്തകുമാരി (71) ആണ് മരിച്ചത്. രാവിലെ 11 മണിയോടെ വീട്ടു മുറ്റത്തെ കിണറ്റിൽ മരിച്ച നിലയിൽ കണ്ടെത്തി.

രാവിലെ മുതൽ ഇവരെ കാണാതായിരുന്നു. ബന്ധുക്കൾ തിരച്ചിൽ നടത്തുന്നതിനിടെ കിണർ മൂടിയത് ഒരു ഭാ​ഗം മാറികിടക്കുന്നത് ശ്രദ്ധയിൽപ്പെട്ടു.

പരിശോധിച്ചപ്പോഴാണ് ഇവരെ കണറ്റിനുള്ളിൽ കണ്ടെത്തിയത്. മുപ്പതടിയോളം താഴ്ചയുള്ള കിണറിൽ പാതിയോളം വെള്ളമുണ്ടായിരുന്നു. ഫയർഫോഴ്സെത്തുമ്പോഴേക്കും മരണം സംഭവിച്ചു. വിഴിഞ്ഞം പൊലീസ് കേസെടുത്തു. പോസ്റ്റുമോർട്ടത്തിനു ശേഷം നാളെ സംസ്കാരം നടക്കും.