രോഹിത്തിന് സ്തുതി..! തോല്വി വിളിച്ചുവരുത്തി; ന്യൂസിലന്ഡിനെതിരെ ആദ്യ ടെസ്റ്റിലെ തോല്വിക്ക് പിന്നാലെ ഇന്ത്യന് ക്യാപ്റ്റനെ പരിഹസിച്ച് സോഷ്യല് മീഡിയ
ബെംഗളൂരു: ന്യൂസിലന്ഡിനെതിരെ ആദ്യ ടെസ്റ്റിലെ തോല്വിക്ക് പിന്നാലെ ഇന്ത്യന് ക്യാപ്റ്റന് രോഹിത് ശര്മയ്ക്ക് ട്രോളും വിമര്ശനവും.
ബെംഗളൂരു, ചിന്നസ്വാമി സ്റ്റേഡിയത്തില് നടന്ന മത്സരത്തില് എട്ട് വിക്കറ്റിനാണ് ഇന്ത്യ പരാജയപ്പെടുന്നത്. 107 റണ്സ് വിജയലക്ഷ്യവുമായി ചിന്നസ്വാമി സ്റ്റേഡിയത്തില് ബാറ്റിംഗിനെത്തിയ ന്യൂസിലിന്ഡ് രണ്ട് വിക്കറ്റ് മാത്രം നഷ്ടത്തില് ലക്ഷ്യം മറികടന്നു.
രചിന് രവീന്ദ്ര (39), വില് യംഗ് (48) എന്നിവരാണ് ന്യൂസിലന്ഡിനെ വിജയത്തിലേക്ക് നയിച്ചത്. ഇന്ത്യയില് ന്യൂസിലന്ഡിന്റെ മൂന്നാമത്തെ മാത്രം ടെസ്റ്റ് വിജയമാണിത്. സ്കോര്: ഇന്ത്യ 46, 462 & ന്യൂസിലന്ഡ് 402, 108. ജയത്തോടെ മൂന്ന് മത്സരങ്ങളുടെ പരമ്പരയില് ന്യൂസിലന്ഡ് മുന്നിലെത്തി.
Whatsapp Group 1 | Whatsapp Group 2 |Telegram Group
മത്സരശേഷം തെറ്റുപറ്റിയെന്ന് രോഹിത് സമ്മതിക്കുകയും ചെയ്തിരുന്നു. രോഹിത്തിന്റെ വാക്കുകള് ഇങ്ങനെയായിരുന്നു. ”ന്യൂസിലന്ഡ് ബൗളര്മാര് നന്നായി പന്തെറിഞ്ഞു. ഇത്തരം മത്സരങ്ങള് സംഭവിക്കും. ഞങ്ങള് പോസിറ്റീവുകള് എടുത്ത് മുന്നോട്ട് പോകും. ഇംഗ്ലണ്ടിനെതിരെ ഒരു ടെസ്റ്റ് തോറ്റ ഞങ്ങള് അതിനു ശേഷം നാല് മത്സരങ്ങള് ജയിച്ചു. രണ്ട് ടെസ്റ്റ് മത്സരങ്ങള് ബാക്കിയുണ്ട്. ഓരോരുത്തരില് നിന്നും എന്താണ് വേണ്ടതെന്ന് ഞങ്ങള്ക്ക് കൃത്യമായി അറിയാം. ഞങ്ങള് ഞങ്ങളുടെ മികച്ച പ്രകടനം മുന്നോട്ട് കൊണ്ടുപോകാന് ശ്രമിക്കും.” രോഹിത് പറഞ്ഞുനിര്ത്തി. പിന്നാലെയാണ് രോഹിത്തിന്റെ പരിഹസിച്ച് സോഷ്യല് മീഡിയയില് പലരുമെത്തിയത്.