കാട്ടുപന്നിയെ ഇടിച്ച് കാർ നിയന്ത്രണംവിട്ട് മറിഞ്ഞു; ഒരുമരണം; മൂന്ന് പേർക്ക് പരിക്ക്

സ്വന്തം ലേഖകൻ

കോഴിക്കോട്: നഗരത്തിൽ കാട്ടുപന്നിയെ ഇടിച്ച കാർ മറിഞ്ഞ് ഒരാൾ മരിച്ചു. ചേളന്നൂർ ചിറ്റടിപ്പാറയിൽ സിദ്ദിഖാണ് മരിച്ചത്.

തൊണ്ടയാട് ബൈപാസിലാണ് അപകടം. കാട്ടുപന്നിയെ ഇടിച്ച കാർ നിയന്ത്രണംവിട്ട് മറിയുകയായിരുന്നു. അപകടത്തിൽ ഗുരുതരമായി പരിക്കേറ്റ സിദ്ദിഖിന് മരണം സംഭവിക്കുകയായിരുന്നു. കാറിൽ ഉണ്ടായിരുന്ന മറ്റു മൂന്ന് പേരെ പരിക്കുകളോടെ ആശുപത്രിയിൽ പ്രവേശിപ്പിച്ചു.