സ്വന്തം ലേഖകൻ
കോട്ടയം: കുടുംബ ബജറ്റിന്റെ താളം തെറ്റിക്കുന്ന തരത്തിൽ പാചകവാതക സിലിണ്ടറിന്റെ വില കുത്തനെ വർദ്ധിപ്പിച്ച കേന്ദ്രസർക്കാർ നടപടി പിൻവലിക്കണമെന്ന് കേരളാ വനിതാ കോൺഗ്രസ്സ് (എം) സംസ്ഥാന പ്രസിഡന്റ് നിർമ്മല ജിമ്മി ആവശ്യപ്പെട്ടു.
പാചകവാതക വിലവർദ്ധനവ് പിൻവലിക്കുക, സബ്‌സിഡി പുനരാംരംഭിക്കുക, പെട്രോൾ, ഡീസൽ വിലവർദ്ധന് പിൻവലിക്കുക തുടങ്ങിയ ആവശ്യങ്ങൾ ഉന്നയിച്ച് കേരളാ വനിതാ കോൺഗ്രസ്സ് (എം) നേതൃത്വത്തിൽ കേരളത്തിലെ 14 ജില്ലകളിലും നടത്തിയ പ്രതിഷേധ ധർണ്ണസമരത്തിന്റെ ഭാഗമായി കോട്ടയം ഹെഡ്‌പോസ്റ്റോഫീസിന് മുന്നിൽ നടന്ന സമരം ഉദ്ഘാടനം ചെയ്യുകയായിരുന്നു നിർമ്മല ജിമ്മി.
Whatsapp Group 1 | Whatsapp Group 2 |Telegram Group
കേരളാ വനിതാ കോൺഗ്രസ്സ് (എം) ജില്ലാ പ്രസിഡന്റ് ഷീലാ തോമസ് അധ്യക്ഷത വഹിച്ചു. ലീനാ സണ്ണി, ജെസ്സിഷാജൻ, റാണി ജോസ്, മിനി റെജി, ഡാനി തോമസ്, അമ്മിണി തോമസ്, നയനാ ബിജു, ലൗലി ജോസഫ്, സാറാമ്മ ജോൺ, സാന്ദ്രനോർമൻ, റ്റെസ വർഗ്ഗീസ്, ഷീലമ്മ തോമസ് എന്നിവർ പ്രസംഗിച്ചു.
