മലപ്പുറത്ത് ആറുമാസം പ്രായമുള്ള കുഞ്ഞ് കിണറ്റിൽ വീണ് മരിച്ച സംഭവത്തിൽ ദുരൂഹത ; കുട്ടിയുടെ മാതാവിനെ പാണ്ടിക്കാട് പൊലീസ് അറസ്റ്റ് ചെയ്തു.

സ്വന്തം ലേഖിക

മലപ്പുറം :പിഞ്ചുകുഞ്ഞ് കിണറ്റില്‍ വീണ് മരിച്ച സംഭവത്തില്‍ കുട്ടിയുടെ മാതാവിനെ പാണ്ടിക്കാട് പൊലീസ് അറസ്റ്റ് ചെയ്തു.ചന്തപ്പടിയിലെ കളത്തുംപടിയൻ ഷിഹാബുദീന്റെ ഭാര്യ അരിപ്രതൊടി സുമിയ്യ (23) ആണ് അറസ്റ്റിലായത്. പാണ്ടിക്കാട് തമ്പനങ്ങാടി സുല്‍ത്താൻ റോഡ് സ്വദേശിയാണ് സുമിയ്യ.

ഡിസംബർ 10-ാം തിയ്യതി രാവിലെ 5.45ന് ആണ് കേസിനാസ്പദമായ സംഭവം. പാണ്ടിക്കാട് സുല്‍ത്താൻ റോഡിലെ വീട്ടുമുറ്റത്തെ കിണറ്റില്‍ വീണായിരുന്നു ആറ് മാസം പ്രായമായ ഹാജാ മറിയം മരിച്ചത്.

സംഭവത്തില്‍ ദുരൂഹതയുണ്ടെന്ന് കണ്ടെത്തി അസ്വാഭാവിക മരണത്തിന് പൊലീസ് കേസെടുത്തിരുന്നു. പെരിന്തല്‍മണ്ണ ഡിവൈഎസ്പി പാണ്ടിക്കാട് സ്റ്റേഷൻ ഇൻസ്പെക്ടര്‍ എന്നിവരുള്‍പ്പെടുന്ന പ്രത്യേക സംഘത്തിന്റെ അന്വേഷണത്തിലാണ് കൊലപാതകത്തിന്റെ ചുരുളഴിയുന്നത്.

തുടർന്ന് പ്രതിയായ കുട്ടിയുടെ മാതാവിനെ അറസ്റ്റ് ചെയ്ത് കോടതിയില്‍ ഹാജരാക്കി