പാലാ ഐങ്കൊമ്പ് ബസ് ദുരന്തത്തിന് 26 വര്‍ഷം ; നാടിനെ നടുക്കിയ അപകടത്തിൽ മരണപ്പെട്ടത് സ്ത്രീകളും കുട്ടികളുമടക്കം 22 പേർ ; ഇന്നും നടുക്കുന്ന ഓർമ

സ്വന്തം ലേഖകൻ പാലാ: ബസിന് തീ പിടിച്ച്‌ 22 പേരുടെ മരണത്തിനിടയാക്കിയ അപകടത്തിന് ഇന്ന് 26 വര്‍ഷം പൂര്‍ത്തിയാകുന്നു.1998 ഒക്ടോബര്‍ 22ന് രാവിലെ 11.15നാണ് നാടിനെ നടുക്കിയ അപകടമുണ്ടായത്. പാലാ-തൊടുപുഴ റൂട്ടില്‍ സര്‍വീസ് നടത്തിയിരുന്ന സ്വകാര്യ ബസ് പ്രശാന്ത് തീ പിടിച്ചാണ് യാത്രക്കാര്‍ക്ക് ദാരുണാന്ത്യം സംഭവിച്ചത്. ബസില്‍ നിറയെ യാത്രക്കാര്‍ ഉണ്ടായിരുന്നു. ഐങ്കൊമ്പിന് സമീപം ആറാംമൈലിലാണ് അപകടം സംഭവിച്ചത്. റോഡിന് ഇടതുവശത്തെ ടെലിഫോണ്‍ പോസ്റ്റില്‍ ഇടിച്ചുമറിഞ്ഞ ബസിന് തീപിടിക്കുകയായിരുന്നു. സ്ത്രീകളും കുട്ടികളുമടക്കം 22 പേരാണ് മരിച്ചത്. 16 പേർ‌ സംഭവസ്ഥലത്തുതന്നെ മരിച്ചിരുന്നു.