കണ്ണൂരില് ഇടതിനെ വിറപ്പിച്ച് യുഡിഎഫ് കൊടുങ്കാറ്റ്; പിണറായിയുടെ ധര്മ്മടത്തും സുധാകരന്റെ തേരോട്ടം; എൽഡിഎഫ് ക്യാമ്പുകളിൽ നിരാശ: ചിരി മാഞ്ഞ് ജയരാജനും ശൈലജയും
കണ്ണൂർ : 2019 ലെ ചരിത്രം ആവർത്തിച്ച് സിപിഎം ശക്തികേന്ദ്രങ്ങളായ കണ്ണൂരും വടകരയും യു.ഡി.എഫ് തരംഗത്തില് വീണപ്പോള് എല്ഡിഎഫ് സ്ഥാനാർത്ഥികളായ എം.വി ജയരാജന്റെയും കെ.കെ ശൈലജയുടെയും ചിരി മാഞ്ഞു.മുഖ്യമന്ത്രി പിണറായിയേയും കണ്ണൂരിലെ ഫലം ഞെട്ടിച്ചു. സ്വന്തം നിയമസഭാ മണ്ഡലമായ ധർമ്മടത്തും കോണ്ഗ്രസിന്റെ സുധാകരൻ മുന്നേറി. കണ്ണൂരിലും വടകരയിലും വോട്ടെണ്ണലിന്റെ ഒരു ഘട്ടത്തിലും എല്.ഡി.എഫ് സ്ഥാനാർത്ഥികള് ലീഡ് നേടാതെ എല്.ഡി.എഫ് കേന്ദ്രങ്ങളില് നിരാശ പടർത്തി കീഴടങ്ങി. ഇഞ്ചോടിഞ്ച് പോരാട്ടം നടക്കുമെന്ന് വിശ്വസിച്ച കണ്ണൂരും വടകരയും വ്യക്തമായ ഭൂരിപക്ഷം നേടി യു.ഡി.എഫ് സ്ഥാനാർത്ഥികള് വിജയത്തിലേക്ക് കുതിച്ചു. […]