സഹായം വാഗ്ദാനം ചെയ്ത് മലപ്പുറം സ്വദേശിനിയായ യുവതിയെ പീഡിപ്പിച്ചു ; യൂട്യൂബർ അറസ്റ്റിൽ

മലപ്പുറം: സഹായം വാഗ്ദാനം ചെയ്ത് യുവതിയെ പീഡിപ്പിച്ച കേസില്‍ യൂട്യൂബർ അറസ്റ്റില്‍. പാലക്കാട് മണ്ണാർക്കാട് സ്വദേശിയായ ആഷിഖ് ആണ് അറസ്റ്റിലായത്. കോടതിയില്‍ ഹാജരാക്കിയ ആഷിഖിനെ റിമാൻഡ് ചെയ്തു.

മലപ്പുറം കൊളത്തൂർ സ്വദേശിനിയെ ആണ് ആഷിഖ് പീഡിപ്പിച്ചത്. സമൂഹ മാദ്ധ്യമം വഴി മൂന്ന് മാസങ്ങള്‍ക്ക് മുൻപായിരുന്നു ഇയാള്‍ യുവതിയെ പരിചയപ്പെട്ടത്. സാമ്ബത്തികമായി പിന്നോക്കം നില്‍ക്കുന്ന യുവതിയെ വീട് വയ്ക്കാൻ സഹായിക്കാമെന്ന് വാഗ്ദാനം ചെയ്തായിരുന്നു പീഡനം.

സംഭവത്തിന് പിന്നാലെ യുവതി പോലീസില്‍ പരാതി നല്‍കി. ഇതിന്റെ അടിസ്ഥാനത്തിലാണ് ഇയാളെ അറസ്റ്റ് ചെയ്തത്.