നിർമാണത്തിലിരിക്കുന്ന വീട്ടില്‍ നിന്ന് ഇലക്‌ട്രിക് വയറുകള്‍ മോഷ്ടിച്ചു ; യുവാവ് അറസ്റ്റിൽ

നൂല്‍പ്പുഴ : നിർമാണത്തിലിരിക്കുന്ന വീട്ടില്‍ നിന്ന് ഇലക്‌ട്രിക് വയറുകള്‍ മോഷ്ടിച്ച യുവാവിനെ അറസ്റ്റ് ചെയ്തു.

അമ്പലവയൽ കോട്ടപറമ്ബില്‍ വീട്ടില്‍ കെ.പി. സഹദിനെയാണ് (24) നൂല്‍പ്പുഴ പൊലീസ് അറസ്റ്റ് ചെയ്തത്.

കോളിയാടിയിലുള്ള വീട്ടില്‍ നിന്നുമാണ് ഡിസംബർ11ന് ഇയാള്‍ രണ്ട് ലക്ഷത്തോളം രൂപ വില വരുന്ന വയറുകള്‍ മോഷ്ടിച്ചത്. വീട്ടില്‍ സൂക്ഷിച്ച വയറുകളും വയറിങ് ചെയ്ത് വെച്ച വയറുകളും കവർന്ന് പ്ലാസ്റ്റിക് അനാവരണം കത്തിച്ചു കളഞ്ഞ ശേഷം കോപ്പർ കടയില്‍ വില്‍ക്കുകയായിരുന്നു.

സംഭവം നടന്ന വീട്ടില്‍ സ്ഥാപിച്ചിരുന്ന സി.സി.ടി.വി കാമറയുടെ സഹായത്തോടെയാണ് മോഷ്ടാവിനെ തിരിച്ചറിഞ്ഞത്. എസ്.ഐ ഇ.കെ. സന്തോഷ്‌കുമാർ, എ.എസ്.ഐ ഷിനോജ്, എസ്.സി.പി.ഒ മുഹമ്മദ്, സി.പി.ഒമാരായ അനു ജോസ്, പ്രസാദ് എന്നിവരാണ് പൊലീസ് സംഘത്തില്‍ ഉണ്ടായിരുന്നത്.