ലഹരി തലയ്ക്ക് പിടിച്ചു ; താമരശ്ശേരി താലൂക്ക് ആശുപത്രിയിൽ ചികിത്സ തേടിയെത്തിയ യുവാവ് അക്രമാസക്തനായി

കോഴിക്കോട് : താമരശ്ശേരി ഗവ. താലൂക്ക് ആശുപത്രിയില്‍ ബുധനാഴ്ച രാത്രി അക്രമംനടത്തിയ യുവാവ് പിടിയില്‍.

കൊടുവള്ളി ആവിലോറ കിഴക്കെ നൊച്ചിപ്പൊയില്‍ റബീൻ റഹ്‌മാൻ (24) ആണ് പിടിയിലായത്.

കാല്‍മുട്ടിനും പുറത്തും മുറിവേറ്റ് ചികിത്സതേടിയെത്തിയ യുവാവ് ആശുപത്രിയില്‍ ബഹളംവെച്ച്‌ അക്രമാസക്തനാവുകയായിരുന്നു.

ലഹരിക്കടിമപ്പെട്ട ഇയാള്‍ ആശുപത്രി ഉപകരണങ്ങള്‍ വലിച്ചെറിഞ്ഞും ചുമരിലടിച്ചും ആക്രോശിച്ചും അസഭ്യവർഷം നടത്തിയതോടെ മറ്റുരോഗികള്‍ ഭയന്ന് പുറത്തേക്കോടി.