ഭാര്യയുടെ നഗ്നദൃശ്യങ്ങള്‍ സെക്സ് ചാറ്റ് ആപ്പില്‍ പ്രചരിപ്പിച്ചു; യുവാവ് പിടിയില്‍; പ്രതി ഭാര്യയെ നിരന്തരം മര്‍ദ്ദിച്ചിരുന്നതായും പരാതി

സ്വന്തം ലേഖിക

തൃശൂര്‍: ഭാര്യയുടെ നഗ്നദൃശ്യങ്ങള്‍ മൊബൈല്‍ കാമറയില്‍ പകര്‍ത്തി സെക്‌സ് ചാറ്റ് ആപ്പില്‍ പ്രചരിപ്പിച്ച യുവാവ് അറസ്റ്റില്‍.

കടങ്ങോട് മണ്ടംപറമ്പ് കളത്തുവീട്ടില്‍ സെബി(33)യെയാണ് അറസ്റ്റ് ചെയ്തത്. എരുമപ്പെട്ടി പൊലീസ് ആണ് യുവാവിനെ അറസ്റ്റ് ചെയ്തത്.

ഇയാള്‍ ഭാര്യയെ നിരന്തരം മര്‍ദ്ദിച്ചിരുന്നതായി പരാതിയില്‍ പറയുന്നു. പൊലീസ് അന്വേഷണത്തില്‍ പ്രതിയുടെ ഫോണില്‍ നിന്ന് തെളിവുകള്‍ ലഭിച്ചു.

പങ്കാളികളുടെ നഗ്നദൃശ്യങ്ങള്‍ പരസ്പരം കൈമാറുന്ന ആപ്പാണിതെന്ന് പൊലീസ് പറഞ്ഞു. സംഭവത്തില്‍ അറസ്റ്റ് ചെയ്ത പ്രതിയെ കോടതിയില്‍ ഹാജരാക്കും.