കോവിഡിന് ശേഷം ഡിസീസ് x എന്ന മഹാമാരി; മുന്നറിയിപ്പുമായി ലോകാരോഗ്യ സംഘടന
സ്വന്തം ലേഖകൻ
കൊവിഡ് ആഗോള അടിയന്തരാവാസ്ഥ അവസാനിപ്പിച്ചതിന് ശേഷം വരാനിരിക്കുന്ന മഹാമാരിയെ കുറിച്ച് മുന്നറിയിപ്പ് നല്കി ലോകാരോഗ്യ സംഘടന.
ലോകരാജ്യങ്ങളോട് മറ്റൊരു മഹാമാരിക്കായി തയാറെടുക്കാനാണ് ലോകരോഗ്യ സംഘടന തലവൻ ടെഡ്രോസ് അദനോം മുന്നറിയിപ്പ് നല്കിയത്.
Whatsapp Group 1 | Whatsapp Group 2 |Telegram Group
മനുഷ്യരാശിക്ക് അറിയാത്ത ഒരു സൂക്ഷ്മജീവി വരുത്തുന്ന അസുഖത്തിന് ലോകാരോഗ്യ സംഘടന നല്കിയിരിക്കുന്ന പേരാണ് ഡിസീസ് എക്സ്. 2018 ലാണ് ഈ പേരിന് രൂപം നല്കിയത്. കൊവിഡിനേക്കാള് മാരകമായിരിക്കും ഡിസീസ് എക്സ് എന്നാണ് വിലയിരുത്തല്.
2017 ലാണ് ലോകം കാണാനിരിക്കുന്ന മഹാമാരികള് എന്ന പേരില് ലോകാരോഗ്യ സംഘടന പട്ടികയിറക്കിയത്. അതില് കൊവിഡ്-19, എബോള, മാര്ബര്ഗ്, ലാസ ഫീവര്, മെര്സ്, സാര്സ്, നിപ്പ, സിക്ക എന്നിവ ഉള്പ്പെടുത്തിയിരുന്നു. ഇതില് ഏറ്റവും ഒടുവിലായി ഉള്പ്പെട്ട അസുഖമാണ് ഡിസീസ് എക്സ്.
മൃഗങ്ങളില് നിന്ന് മനുഷ്യരിലേക്കാകും ഡിസീസ് എക്സ് പകരുകയെന്നാണ് നിലവിലെ വിലയിരുത്തല്. ഒപ്പം സോമ്ബി വൈറസിനെ കുറിച്ചും ശാസ്ത്ര ലോകം ആശങ്കപ്പെടുന്നുണ്ട്.