ഇടുക്കിയിലും വെസ്റ്റ് നൈല്‍ പനി ബാധിച്ച്‌ മരണം; ഇരുപത്തിനാലുകാരൻ മരിച്ചത് ചികിത്സയിലിരിക്കെ

ഇടുക്കി: വെസ്റ്റ് നൈല്‍ പനി ബാധിച്ച്‌ ആശുപത്രിയില്‍ കിത്സയിലിരുന്നയാള്‍ മരിച്ചു.

ഇടുക്കി മണിയാറൻകുടി സ്വദേശി വിജയകുമാർ (24) ആണ് മരിച്ചത്.

കോഴിക്കോട് വച്ചാണ് വെസ്റ്റ് നൈല്‍ പനി ബാധിച്ചത്. ഇടുക്കി മെഡിക്കല്‍ കോളജില്‍ ചികിത്സയിലിരിക്കെ വെള്ളിയാഴ്ചയായിരുന്നു മരണം.

വൃക്ക മാറ്റി വയ്ക്കലുമായി ബന്ധപ്പെട്ടാണ് കോഴിക്കോടെത്തിയത്. പിന്നീടാണ് ഇടുക്കി മെഡിക്കല്‍ കോളേജ് ആശുപത്രിയിലേക്ക് മാറ്റിയത്. മരണശേഷം നടത്തിയ പരിശോധനയിലാണ് ബാധിച്ചത് വെസ്റ്റ് നൈല്‍ പനി എന്ന് സ്ഥിരീകരിച്ചത്.