വയനാട് ദുരന്തത്തിൽനിന്നും കരകയറിയിട്ടും അനുഭവിക്കുന്നത് നരകയാതന; തു​ട​ർ ചി​കി​ത്സ​ക്ക് മാ​ർ​ഗ​മി​ല്ലാ​തെ വാ​ട​ക ക്വാ​ർ​ട്ടേ​ഴ്സു​ക​ളി​ൽ കഴിയുന്നവരോട് സർക്കാർ അവ​ഗണന; നി​ത്യ​രോ​ഗി​ക​ളി​ൽ 28 ശ​ത​മാ​ന​വും ശ്വാ​സ​കോ​ശ രോ​ഗി​ക​ൾ; ര​ണ്ട് അ​ർ​ബു​ദ ബാ​ധി​തർ; ​തു​ട​ർ ചി​കി​ത്സ ആ​വ​ശ്യ​മു​ള്ള​വ​രി​ൽ 23 ശ​ത​മാ​നം മു​റി​വ് പ​റ്റി​യ​വ​രും 15 ശ​ത​മാ​നം എ​ല്ലു ത​ക​ർ​ന്ന​വ​രും; തു​ട​ർ ചി​കി​ത്സ​ക്ക് ഒ​രു സ​ഹാ​യ​വും ഉ​ണ്ടാ​യി​ട്ടി​ല്ലെ​ന്ന് ദുരന്തബാധിതർ

ക​ൽ​പ​റ്റ: ഒ​റ്റ​രാ​ത്രി​കൊ​ണ്ട് മൂ​ന്ന് ഗ്രാ​മ​ങ്ങ​ൾ ഇ​ല്ലാ​താ​യ ഉ​രു​ൾ ദു​ര​ന്ത​ത്തി​ൽ ഭാ​ഗ്യം​കൊ​ണ്ട് ജീ​വ​ൻ ബാ​ക്കി​യാ​യ​വ​രോ​ട് സ​ർ​ക്കാ​ർ അ​വ​ഗ​ണ​ന. ദു​ര​ന്ത​ത്തി​ൽ ഗു​രു​ത​ര പ​രി​ക്കേ​റ്റ​വ​രും നി​ത്യ​രോ​ഗി​ക​ളാ​യി ദു​ര​ന്ത​മേ​ഖ​ല​യി​ൽ ക​ഴി​ഞ്ഞി​രു​ന്ന​വ​രും തു​ട​ർ ചി​കി​ത്സ​ക്ക് മാ​ർ​ഗ​മി​ല്ലാ​തെ വാ​ട​ക ക്വാ​ർ​ട്ടേ​ഴ്സു​ക​ളി​ൽ അ​നു​ഭ​വി​ക്കു​ന്ന​ത് ന​ര​ക യാ​ത​ന.

കൂ​ടാ​തെ ദു​ര​ന്ത​മേ​ഖ​ല​യി​ൽ കി​ട​പ്പു​രോ​ഗി​ക​ളാ​യ​വ​രും നി​ര​വ​ധിയാണ്. ദു​ര​ന്ത ബാ​ധി​ത​രെ സ​ർ​ക്കാ​ർ ഏ​റ്റെ​ടു​ക്കു​മെ​ന്ന് പ​റ​ഞ്ഞി​രു​ന്നെ​ങ്കി​ലും അ​പ​ക​ട സ​മ​യ​ത്തു​ണ്ടാ​യ ചി​കി​ത്സ​ച്ചെ​ല​വു​ക​ൾ ഒ​ഴി​കെ തു​ട​ർ ചി​കി​ത്സ​ക്ക് ഒ​രു സ​ഹാ​യ​വും ഉ​ണ്ടാ​യി​ട്ടി​ല്ലെ​ന്ന് ഇ​വ​ർ പ​റ​യു​ന്നു. പൂ​ക്കോ​യ ത​ങ്ങ​ള്‍ ഹോ​സ്പി​സ് എ​ന്ന സം​ഘ​ട​ന​യു​ടെ നേ​തൃ​ത്വ​ത്തി​ലു​ള്ള മെ​ഡി​ക്ക​ല്‍ സം​ഘം ന​ട​ത്തി​യ സ​ർ​വേ​യി​ൽ അ​പ​ക​ട​ത്തി​ൽ പ​രി​ക്കേ​റ്റ​വ​രും നി​ത്യ​രോ​ഗി​ക​ളു​മാ​യ 113 പേ​ർ​ക്ക് തു​ട​ർ ചി​കി​ത്സ ആ​വ​ശ്യ​മു​ണ്ടെ​ന്ന് ക​ണ്ടെ​ത്തി​യി​ട്ടു​ണ്ട്.

ഇ​വ​രി​ൽ പ​ല​രു​ടേ​യും പ​രി​ക്ക് ഗു​രു​ത​ര​മാ​ണ്. ആ​ശ്രി​ത​ർ ദു​ര​ന്ത​ത്തി​ൽ മ​രി​ക്കു​ക​യോ ജോ​ലി ന​ഷ്ട​പ്പെ​ടു​ക​യോ ചെ​യ്ത നി​ര​വ​ധി പേ​ർ ഇ​ക്കൂ​ട്ട​ത്തി​ലു​ണ്ട്. ഉ​രു​ളി​ൽ ഒ​ലി​ച്ചു​പോ​യ മു​ണ്ട​ക്കൈ സ്വ​ദേ​ശി​നി മു​ബ​ഷി​റ​ക്ക് ദു​ര​ന്ത​ത്തി​ൽ അ​ഞ്ചു പൊ​ട്ട​ലു​ക​ളാ​ണ് ശ​രീ​ര​ത്തി​ലു​ണ്ടാ​യ​ത്. ഇ​പ്പോ​ൾ ത​മി​ഴ്നാ​ട്ടി​ൽ ബ​ന്ധു​വീ​ട്ടി​ൽ ക​ഴി​യു​ന്ന ഇ​വ​ർ​ക്ക് മാ​സ​ത്തി​ൽ ര​ണ്ടു​ത​വ​ണ ചി​കി​ത്സ​ക്ക് മേ​പ്പാ​ടി​യി​ലെ സ്വ​കാ​ര്യ മെ​ഡി​ക്ക​ൽ കോ​ളേ​ജ് ആ​ശു​പ​ത്രി​യി​ലെ​ത്ത​ണം. ഉ​രു​ൾ​പൊ​ട്ട​ലി​ൽ ര​ണ്ടു മ​ക്ക​ളും ഇ​വ​ർ​ക്ക് ന​ഷ്ട​പ്പെ​ട്ടി​രു​ന്നു.

ഇ​പ്പോ​ൾ വെ​ങ്ങ​പ്പ​ള്ളി​യി​ൽ വാ​ട​ക ക്വാ​ർ​ട്ടേ​ഴ്സി​ൽ താ​മ​സി​ക്കു​ന്ന അ​നി​ൽ കു​മാ​റി​ന് ക​ട്ടി​ലി​ൽ​നി​ന്ന് എ​ഴു​ന്നേ​ൽ​ക്കാ​ൻ​പോ​ലും ഇ​തു​വ​രെ ക​ഴി​ഞ്ഞി​ട്ടി​ല്ല. 13 വാ​രി​യെ​ല്ലു​ക​ള്‍ പൊ​ട്ടി ശ്വാ​സ​കോ​ശ​ത്തി​നും അ​ന്ന​നാ​ള​ത്തി​നും ഗു​രു​ത​ര​മാ​യി പ​രി​ക്കേ​റ്റ് കൈ ​പൊ​ട്ടി 14 ദി​വ​സം വെ​ന്റി​ലേ​റ്റ​റി​ലും തു​ട​ർ​ന്ന് 46 ദി​വ​സം ആ​ശു​പ​ത്രി​യി​ലും ചി​കി​ത്സ​യി​ല്‍ ക​ഴി​ഞ്ഞ ചൂ​ര​ൽ​മ​ല​യി​ലെ ആ​യി​ഷ തു​ട​ർ ചി​കി​ത്സ​യി​ലാ​ണ്.

ഇ​പ്പോ​ൾ പി​ണ​ങ്ങോ​ട് വാ​ട​ക​വീ​ട്ടി​ൽ ക​ഴി​യു​ന്ന മു​ണ്ട​ക്കൈ സ്വ​ദേ​ശി​നി​യാ​യ മൂ​ന്നു മ​ക്ക​ളു​ടെ മാ​താ​വ് ശ​രീ​രം ത​ള​ർ​ന്ന് കി​ട​പ്പി​ലാ​ണ്. ഇ​വ​രു​ടെ മാ​താ​വി​ന്റെ എ​സ്റ്റേ​റ്റ് ജോ​ലി​യാ​യി​രു​ന്നു കു​ടും​ബ​ത്തി​ന്റെ വ​രു​മാ​നം. താ​മ​സം അ​ക​ലെ​യാ​യ​തോ​ടെ അ​തും നി​ല​ച്ചു. പ​രി​ക്കേ​റ്റ​തും നി​ത്യ​രോ​ഗി​ക​ളു​മാ​യ​വ​രി​ൽ 60 ശ​ത​മാ​ന​വും സ്ത്രീ​ക​ളാ​ണ്.

നി​ത്യ​രോ​ഗി​ക​ളി​ൽ 28 ശ​ത​മാ​ന​വും ശ്വാ​സ​കോ​ശ രോ​ഗി​ക​ൾ. ര​ണ്ട് അ​ർ​ബു​ദ ബാ​ധി​ത​രു​മു​ണ്ട്. തു​ട​ർ ചി​കി​ത്സ ആ​വ​ശ്യ​മു​ള്ള​വ​രി​ൽ 23 ശ​ത​മാ​നം മു​റി​വ് പ​റ്റി​യ​വ​രും 15 ശ​ത​മാ​നം എ​ല്ലു ത​ക​ർ​ന്ന​വ​രു​മാ​ണ്. 25ല​ധി​കം പേ​ർ ദു​ര​ന്ത ഓ​ർ​മ​ക​ളി​ൽ ഇ​പ്പോ​ഴും ഉ​റ​ക്കം ന​ഷ്ട​പ്പെ​ട്ട​വ​രാ​ണെ​ന്ന് സ​ർ​വേ​യി​ൽ ക​ണ്ടെ​ത്തി​യി​ട്ടു​ണ്ട്. 20 -25 ശ​ത​മാ​നം പേ​ർ മാ​ന​സി​കാ​ഘാ​ത​ത്തി​ൽ​ ത​ന്നെ​യാ​ണ് ക​ഴി​യു​ന്ന​ത്.