ചെറായി കടലിൽ കളിക്കാനിറങ്ങിയ വിദ്യാർത്ഥിയെ കാണാതായി; വിനോദസഞ്ചാരത്തിനെത്തിയ സംഘത്തിലെ അടിമാലി സ്വദേശിയെ ആണ് തിരയിൽപ്പെട്ട് കാണാതായത്

സ്വന്തം ലേഖകൻ

വൈപ്പിൻ : ചെറായി രക് തേശ്വരി ബീച്ചിൽ കുളിക്കാനിറങ്ങിയ യുവ വിദ്യാർഥിയെ കാണാതായി.

അടിമാലി ജോയ്സ് ഐ ടി സി വിദ്യാർത്ഥി തോപ്രാംകുടി കൊന്നക്കൽ വീട്ടിൽ ആൽവിൻ ജോസഫ് (22) ആണ് കടലിൽ കുളിക്കുന്നതിനിടെ കാണാതെ ആയത്. വൈകുന്നേരം മൂന്ന് മണിയോടെ ആയിരുന്നു സംഭവം

തിരയിൽ പെടുകയായിരുന്നു. അധ്യാപകരടക്കം 23 അംഗ സംഘമാണ് രക് തേശ്വരരി ബീച്ചിലെത്തിയത്. മുനമ്പം പൊലീസിന്റെ നേതൃത്വത്തിൽ തിരച്ചിൽ നടക്കുന്നുണ്ട്.