ഓടയിലെ വെള്ളത്തിനേക്കാൾ കഷ്ടം, കിണറിലെ വെള്ളം പാടകെട്ടി മലിനമായ രീതിയിൽ, കുടിക്കാൻ പോയിട്ട് തൊടാൻ പോലും ആരും അറയ്ക്കും ; പാമ്പാടി പാറാമറ്റത്ത് ഫാമിന്റെ മറവിൽ വൻതോതിൽ പാറമട കുളത്തിൽ അറവു മാലിന്യം തള്ളുന്നത് സമീപത്തെ കിണറുകളെയും  മലിനമാക്കുന്നു ; പരാതിയുമായി നാട്ടുകാർ

കോട്ടയം : വേനൽക്കാലത്ത് വെള്ളം കുടി മുട്ടി പാമ്പാടി ഗ്രാമപഞ്ചായത്തിലെ മൂന്ന്, നാല് വാർഡിലെ ജനങ്ങൾ, തെളിനീരുറവയുള്ള കിണറുകളൊക്കെയും ഇപ്പോൾ മലിനമായ് കുടിവെള്ളം കിട്ടാത്ത അവസ്ഥയാണ്

പാറാമറ്റത്ത്കാരുടെ ഈ ദുരിതത്തിന് കാരണം തൊട്ടടുത്ത പ്രവർത്തിക്കുന്ന ഫാംമും അവിടങ്ങളിലെ മാലിന്യവുമാണ്. അറവ് ഫാമിൽ നിന്നുള്ള മാലിന്യങ്ങൾ വൻതോതിലാണ് ഈ പ്രദേശത്തെ പാറമട കുളത്തിൽ കൊണ്ട് തള്ളുന്നത്.

ദിവസേന ചിക്കൻ വേസ്റ്റ് ഉൾപ്പടെ ടൺ കണക്കിന് മാലിന്യം തള്ളുന്നതുമൂലം പരിസരവാസികളുടെ കിണറുകൾ മലിനമാകുന്നതായി പരാതി ഉയരുകയാണ്.

ജല മലിനീകരണം പകർച്ചാ വ്യാധികൾ ഉണ്ടാക്കുവാനും സാധ്യതയുണ്ട്, മാലിന്യം തള്ളുന്നതുമൂലം പരിസരപ്രദേശത്തു ദുർഗന്ധം പതിവായിരിക്കുകയാണ്. കുടിവെള്ളത്തിനൊപ്പം ശുദ്ധമായ വായുപോലും ലഭിക്കാത്ത അവസ്ഥയിലാണ് പ്രദേശവാസികൾ.

അറവു മാലിന്യങ്ങൾ പാറമടക്കകത്തുനിന്നും തെരുവ് നായ്ക്കൾ കടിച്ചെടുത്തു സമീപ വീടുകളിൽ കൊണ്ട് ഇടുകയും ചെയ്യുന്നുണ്ട് , ഇവിടെ കൊച്ചു കുട്ടികൾക്ക് മുതൽ മുതിർന്നവർക്ക് വരെ ഗുരുതര ആരോഗ്യ പ്രശനങ്ങൾ ഉണ്ടാവുന്നതായാണ് നാട്ടുകാർ പറയുന്നത് , പ്രദേശവാസികൾ പലതവണ ആരോഗ്യ വകുപ്പിലും, മലിനീകരണ നിയന്ത്രണ ബോർഡിലും പരാതികൊടുത്തിട്ടും, യാതൊരു നടപടിയും ഉണ്ടായിട്ടില്ല.