വാകത്താനം കാടമുറി ആഞ്ജനേയ കളരിയിൽ വിജയദശമി ദിനത്തിൽ കളരിപയറ്റ് പരിശീലനത്തിന് ആരംഭം കുറിച്ചത് നൂറോളം കുട്ടികൾ

സ്വന്തം ലേഖിക

കോട്ടയം: വാകത്താനം കാടമുറി ആഞ്ജനേയ കളരിയിൽ വിജയദശമി ദിനത്തിൽ കളരിപയറ്റ് പരിശീലനത്തിന് ആരംഭം കുറിച്ച് കുരുന്നുകൾ.

നൂറോളം കുട്ടികളാണ് രക്ഷിതാക്കൾക്കൊപ്പം കളരിപയറ്റ് പരിശീലനത്തിന് തുടക്കം കുറിച്ചത്. ഉണ്ണിക്കൃഷ്ണൻ ഗുരുക്കൾ പരിശീലനത്തിന് നേതൃത്വം നൽകി.

കുട്ടികൾ എല്ലാവരും ഗുരുക്കളുടെ അനുഗ്രഹത്തോടെ ആദ്യചുവടുകൾ പരിശീലിച്ചു. പല ആയുധങ്ങൾ പയറ്റുകയും പുതിയ ആയുധങ്ങൾ എടുക്കുകയും ചെയ്തു. രാവിലെ 8:30 ന് ആരംഭിച്ച പരിശീലനം ഉച്ചയോട് കൂടി സമാപിച്ചു.