![ഓടുന്ന കാറിന്റെ ഡോറിൽ തൂങ്ങി കിടന്ന് യുവാക്കളുടെ അഭ്യാസപ്രകടനം; താമരശ്ശേരി ചുരത്തിൽ നിന്നുള്ള വീഡിയോ പുറത്ത്; യുവാക്കൾക്കെതിരെ കേസെടുത്ത് അധികൃതർ; വാഹനം കസ്റ്റഡിയിൽ എടുത്തു ഓടുന്ന കാറിന്റെ ഡോറിൽ തൂങ്ങി കിടന്ന് യുവാക്കളുടെ അഭ്യാസപ്രകടനം; താമരശ്ശേരി ചുരത്തിൽ നിന്നുള്ള വീഡിയോ പുറത്ത്; യുവാക്കൾക്കെതിരെ കേസെടുത്ത് അധികൃതർ; വാഹനം കസ്റ്റഡിയിൽ എടുത്തു](https://i0.wp.com/thirdeyenewslive.com/storage/2022/07/MVD.jpeg?fit=1200%2C749&ssl=1)
ഓടുന്ന കാറിന്റെ ഡോറിൽ തൂങ്ങി കിടന്ന് യുവാക്കളുടെ അഭ്യാസപ്രകടനം; താമരശ്ശേരി ചുരത്തിൽ നിന്നുള്ള വീഡിയോ പുറത്ത്; യുവാക്കൾക്കെതിരെ കേസെടുത്ത് അധികൃതർ; വാഹനം കസ്റ്റഡിയിൽ എടുത്തു
കോഴിക്കോട്: റോഡിലെ നിയമങ്ങൾ പാലിക്കാതെ വാഹനമോടിക്കുന്ന നിരവധി പേരാണ് ഇന്നുള്ളത്. പ്രത്യേകിച്ചും ചെറുപ്പക്കാർ റോഡിൽ വാഹനവുമായി ഇറങ്ങിയാൽ നടത്തുന്ന അഭ്യാസപ്രകടനങ്ങൾ അപകടം നിറഞ്ഞതാണ്.
അത്തരത്തിലുള്ള ഒേ ട്ടറെ വിഡിയോകൾ ഇപ്പോൾ സാമൂഹ്യ മാധ്യമങ്ങളിൽ വൈറലാകാറുണ്ട്.അത്തരത്തിൽ ദിവാൻ താമരശ്ശേരി ചുരത്തിൽ ഒരു കൂട്ടം യുവാക്കൾ നടത്തിയ അഭ്യാസപ്രകടനവും വൈറലായിരുന്നു.
ഓടുന്ന കാറിൽ അപകടരമായ രീതിയിൽ ആയിരുന്നു യുവാക്കളുടെ പ്രകടനം. താമരശേരി ചുരത്തിൽ കഴിഞ്ഞ ദിവസം രാത്രിയാണ് സംഭവമുണ്ടായത്.KL-10 AZ 7588 എന്ന വാഹനത്തിലായിരുന്ന യുവാക്കളുടെ സാഹസിക യാത്ര നടത്തിയത്.
Whatsapp Group 1 | Whatsapp Group 2 |Telegram Group
വാഹനത്തിന്റെ ഡോറിൽ തൂങ്ങിയുള്ള അഭ്യാസ പ്രകടനത്തിന്റെ വീഡിയോ പുറത്ത് വന്നു. പുറകിൽ സഞ്ചരിച്ച വാഹനത്തിലുള്ളവർ പകർത്തിയ ദൃശ്യങ്ങളാണ് പുറത്ത് വന്നത്. ദൃശ്യങ്ങളുടെ അടിസ്ഥാനത്തിൽ മോട്ടോർ വാഹന വകുപ്പ് എൻഫോഴ്സ്മെന്റ് വിഭാഗം കേസെടുത്തു. വാഹനവും കസ്റ്റഡിയിൽ എടുത്തു.