വയനാട് ദുരന്തം; സംസ്ഥാനതല ബാങ്കേഴ്സ് സമിതി യോഗം തുടങ്ങി

തിരുവനന്തപുരം:വയനാട് ദുരന്തത്തിന്‍റെ പശ്ചാത്തലത്തിൽ സംസ്ഥാന തല ബാങ്കേഴ്സ് സമിതി യോഗം തുടങ്ങി.

മുഖ്യമന്ത്രിയുടെ ചേംബറിൽ രാവിലെ 11 ന് ആണ് യോഗം ആരംഭിച്ചത്. ബാങ്കുകൾ മാതൃകപരമായ തീരുമാനമെടുക്കണമെന്ന് മുഖ്യമന്ത്രി ആവശ്യപ്പെട്ടു.

ദുരന്തബാധിതരുടെ പ്രശ്നം ചർച്ച ചെയ്യുക എന്നതാണ് പ്രധാന അജണ്ട . ദുരന്തബാധിതരുടെ വായ്പകൾക്കും മോറട്ടോറിയം പ്രഖ്യാപിക്കണം എന്നത് അടക്കമുള്ള ആവശ്യങ്ങൾ സംസ്ഥാന

സർക്കാർ ഉന്നയിക്കും. കുറച്ചുകാലത്തേക്ക് മോറട്ടോറിയം പ്രഖ്യാപിക്കാമെന്ന നിലപാടിലേക്ക് സംസ്ഥാനതല ബാങ്കേഴ്സ് സമിതി എത്തിച്ചേരാനാണ് സാധ്യത.