വനം ഭേദഗതി ബില്ല് : സർക്കാർ വീണ്ടുവിചാരത്തിൽ: വരുന്ന നിയമസഭാ സമ്മേളനത്തില്‍ ബില്ല് അവതരിപ്പിക്കില്ല: പ്രതിഷേധം ഉയർത്തുന്ന സംഘടനകളുമായി സർക്കാർ ചർച്ച നടത്തും: ഭേദഗതികള്‍ സംബന്ധിച്ച്‌ നിയമോപദേശം തേടാനും ആലോചനയുണ്ട്.
തിരുവനന്തപുരം:വനം ഭേദഗതി ബില്ല് വരുന്ന നിയമസഭാ സമ്മേളനത്തില്‍ അവതരിപ്പിക്കില്ല. വന നിയമ ഭേദഗതികള്‍ സംബന്ധിച്ച്‌ 140 ഓളം പരാതികളാണ് ലഭിച്ചത്.
ഇതില്‍ ഭൂരിപക്ഷവും വന്യജീവി ആക്രമണങ്ങളുമായി ബന്ധപ്പെട്ട പൊതു പരാതികളാണ്.
ഭേദഗതികള്‍ സംബന്ധിച്ച്‌ ലഭിച്ച പരാതികള്‍ അഡീഷണല്‍ ചീഫ് സെക്രട്ടറി ജ്യോതിലാല്‍ പരിശോധിച്ച്‌ റിപ്പോര്‍ട്ട് സമര്‍പ്പിക്കും.
റിപ്പോര്‍ട്ടില്‍ തുടര്‍നടപടികള്‍ മുഖ്യമന്ത്രി തീരുമാനിക്കും.ഇതിന് ശേഷം സബ്ജക്‌ട് കമ്മിറ്റിയില്‍ ഭേദഗതികള്‍ വരുത്തി സഭയ്‌ക്കു മുന്നില്‍ വയ്‌ക്കാനാണ് ആലോചന. ഭേദഗതികള്‍ സംബന്ധിച്ച്‌ നിയമോപദേശം തേടാനും ആലോചനയുണ്ട്.
Whatsapp Group 1 | Whatsapp Group 2 |Telegram Group
ക്രൈസ്തവ സഭകളും കേരള കോണ്‍ഗ്രസ് എം ഉള്‍പ്പെടെ രാഷ്‌ട്രീയപാര്‍ട്ടികളും പ്രതിഷേധവുമായി രംഗത്തെത്തിയത് സര്‍ക്കാരിനെ വീണ്ടു വിചാരത്തിന് പ്രേരിപ്പിക്കുന്നുണ്ട്. ആവശ്യമെങ്കില്‍ പ്രതിഷേധമുയര്‍ത്തുന്ന സംഘടനകളുമായും രാഷ്‌ട്രീയ കക്ഷികളുമായും സര്‍ക്കാര്‍ ചര്‍ച്ച നടത്തും.
കേരള വനം നിയമ ഭേദഗതി വ്യവസ്ഥകളില്‍ പലതും വനം ഉദ്യോഗസ്ഥര്‍ക്ക് അമിതാധികാരം നല്‍കുന്നതാണന്ന് വിമര്‍ശനം ഉണ്ട്.1961ലെ വനം നിയമം സംബന്ധിച്ച്‌ 2019ല്‍ ഭേദഗതി ബില്‍ അവതരിപ്പിച്ചെങ്കിലും സഭ പരിഗണിച്ചില്ല. ഇത് കാലഹരണപ്പെട്ട സാഹചര്യത്തിലാണ് വീണ്ടും അവതരിപ്പിക്കാന്‍ വനംവകുപ്പ് തീരുമാനിച്ചത്.
