വൈക്കം തലയോലപ്പറമ്പിൽ വാഹനാപകടം; ബൈക്കും ടിപ്പറും കൂട്ടിയിടിച്ച് കോളേജ് വിദ്യാർത്ഥിക്ക് ദാരുണാന്ത്യം; ഒരാൾക്ക് പരിക്ക്

വൈക്കം: തലയോലപ്പറമ്പിൽ ബൈക്കും ടിപ്പർ ലോറിയും കൂട്ടിയിടിച്ചുണ്ടായ അപകടത്തിൽ യുവാവിന് ദാരുണാന്ത്യം. കാരിക്കോട് ചൂണ്ടക്കാലായിൽ എബിൻ പീറ്റർ (19) ആണ് മരിച്ചത്.

ചൊവ്വാഴ്ച ഉച്ചയ്ക്ക് പെരുവ റൂട്ടിൽ കീഴൂർ സായിപ്പ് കവലയ്ക്കു സമീപമായിരുന്നു അപകടം.
തലയോലപ്പറമ്പ് ഡിബി കോളേജ് വിദ്യാർത്ഥിയാണ് എബിൻ.

ബൈക്ക് ടിപ്പറിനെ മറികടക്കാൻ ശ്രമിക്കുന്നതിനിടെയാണ് അപകടം.

അപകടത്തിൽ ടിപ്പർ ലോറിയ്ക്കടിയിലേയ്ക്കു വീണ എബിൻ സംഭവസ്ഥലത്തുതന്നെ മരിച്ചു. ബൈക്കിലുണ്ടായിരുന്ന മറ്റൊരു യുവാവ് പരിക്കുകളോടെ രക്ഷപെട്ടു. തലയോലപ്പറമ്പ് പൊലീസ് കേസെടുത്തു.