![ആരോഗ്യനില മെച്ചപ്പെട്ടു; ദേഹാസ്വാസ്ഥ്യത്തെ തുടര്ന്ന് ചികിത്സയിലായിരുന്ന വി എസ് അച്യുതാനന്ദന് ആശുപത്രി വിട്ടു ആരോഗ്യനില മെച്ചപ്പെട്ടു; ദേഹാസ്വാസ്ഥ്യത്തെ തുടര്ന്ന് ചികിത്സയിലായിരുന്ന വി എസ് അച്യുതാനന്ദന് ആശുപത്രി വിട്ടു](https://i0.wp.com/thirdeyenewslive.com/storage/2021/11/download-14.jpg?fit=335%2C225&ssl=1)
ആരോഗ്യനില മെച്ചപ്പെട്ടു; ദേഹാസ്വാസ്ഥ്യത്തെ തുടര്ന്ന് ചികിത്സയിലായിരുന്ന വി എസ് അച്യുതാനന്ദന് ആശുപത്രി വിട്ടു
സ്വന്തം ലേഖകൻ
തിരുവനന്തപുരം: ദേഹാസ്വാസ്ഥ്യത്തെ തുടര്ന്ന് പട്ടത്തെ എസ്.യു.ടി ആശുപത്രിയില് ചികിത്സയിലായിരുന്ന മുന് മുഖ്യമന്ത്രി വി എസ് അച്യുതാനന്ദന് ആശുപത്രി വിട്ടു.
ശ്വാസ തടസം അനുഭവപ്പെട്ടതിനെ തുടര്ന്ന് നവംബര് ഒന്നിന് വൈകിട്ടാണ് വി എസിനെ ആശുപത്രിയില് പ്രവേശിപ്പിച്ചത്. സോഡിയം കുറയുന്നതും ഉദരസംബന്ധമായ അസുഖവുമാണ് വി എസിനെ അലട്ടുന്നത്.
Whatsapp Group 1 | Whatsapp Group 2 |Telegram Group
രാഷ്ട്രീയ രംഗത്ത് നിന്നും വര്ഷങ്ങളായി അവധി എടുത്ത വി എസ് തിരുവനന്തപുരത്തെ ‘വേലിക്കകത്ത്’ വീട്ടില് വിശ്രമ ജീവിതത്തിലാണ്.
കഴിഞ്ഞ എല്ഡിഎഫ് സര്ക്കാരിൻ്റെ കാലത്ത് ഭരണപരിഷ്കാര കമ്മീഷന് അധ്യക്ഷനായിരുന്ന വി എസ് 2021 ജനുവരിയില് അത് ഒഴിഞ്ഞിരുന്നു. രണ്ട് വര്ഷമായി വി എസ് വീട്ടില് തന്നെ വിശ്രമത്തിലാണ്.
2019 ഒക്ടോബറില് പുന്നപ്ര വയലാര് രക്തസാക്ഷിത്വ ദിനാചരണത്തിന് ശേഷം തിരുവനന്തപുരത്ത് മടങ്ങിയെത്തിയ വി എസ് ആശുപത്രിയില് പ്രവേശിപ്പിക്കപ്പെട്ടു.
തുടര്ന്ന് പൂര്ണ്ണ വിശ്രമം ഡോക്ടര്മാര് നിര്ദേശിച്ചതിനാല് പൊതുപരിപാടികള് ഒഴിവാക്കുകയായിരുന്നു.