![കോവിഡ് വാക്സിന്റെ രണ്ട് ഡോസും ഒരുമിച്ച് കുത്തിവെച്ചു; യുവതി നിരീക്ഷണത്തിൽ; സംഭവം തിരുവനന്തപുരത്ത് കോവിഡ് വാക്സിന്റെ രണ്ട് ഡോസും ഒരുമിച്ച് കുത്തിവെച്ചു; യുവതി നിരീക്ഷണത്തിൽ; സംഭവം തിരുവനന്തപുരത്ത്](https://i0.wp.com/thirdeyenewslive.com/storage/2021/08/vaccine-c.jpg?fit=1024%2C533&ssl=1)
കോവിഡ് വാക്സിന്റെ രണ്ട് ഡോസും ഒരുമിച്ച് കുത്തിവെച്ചു; യുവതി നിരീക്ഷണത്തിൽ; സംഭവം തിരുവനന്തപുരത്ത്
സ്വന്തം ലേഖകൻ
തിരുവനന്തപുരം: യുവതിക്ക് രണ്ട് ഡോസ് കോവിഡ് വാകസിനും ഒരുമിച്ച് കുത്തിവച്ചതായി പരാതി.
25 കാരിയായ യുവതിക്കാണ് കോവിഡ് പ്രതിരോധ വാക്സിൻറെ രണ്ട് ഡോസും ഒന്നിച്ചു കുത്തിവച്ചത്. തിരുവനന്തപുരം മണിയറയിലാണ് സംഭവം.
Whatsapp Group 1 | Whatsapp Group 2 |Telegram Group
യുവതി ഇപ്പോൾ തിരുവനന്തപുരം ജനറൽ ആശുപത്രിയിൽ നിരീക്ഷണത്തിലാണ്.
ആദ്യ ഡോസ് വാക്സിൻ എടുക്കാൻ എത്തിയപ്പോഴാണ് രണ്ട് ഡോസ് വാക്സിനും ഒരുമിച്ച് കുത്തിവച്ചതെന്ന് കുടുംബം ആരോപിക്കുന്നു.
എന്നാൽ വാക്സിൻ എടുത്തതാണോ എന്ന് യുവതിയോട് ചോദിച്ചിരുന്നുവെന്നും എടുത്തിട്ടില്ലെന്ന് പറഞ്ഞ ശേഷമാണ് കുത്തിവയ്പ്പ് എടുത്തതെന്നാണ് ജീവനക്കാർ പറയുന്നത്.
സംഭവത്തിൽ ആരോഗ്യവകുപ്പ് ആശുപത്രി അധികൃതരിൽ നിന്ന് റിപ്പോർട്ട് തേടിയിട്ടുണ്ട്. വീഴ്ച അന്വേഷിക്കുമെന്ന് ആരോഗ്യവകുപ്പ് വൃത്തങ്ങൾ അറിയിച്ചു.