രഹസ്യ വിവരത്തെ തുടർന്ന് നടത്തിയ പരിശോധനയിൽ തൃപ്പൂണിത്തുറയിലെ അപ്പാർട്ട്മെന്റിൽ നിന്നും ലഹരി മരുന്നുകളുമായി യുവതി പിടിയിൽ; ഇവരിൽനിന്ന് 90ഗ്രാം എംഡിഎംഎയും 9 ഗ്രാം ഹാഷിഷ് ഓയിലും പിടിച്ചെടുത്തു

കൊച്ചി: തൃപ്പൂണിത്തുറയിലെ അപ്പാർട്ട്മെന്റിൽ നിന്ന് ലഹരി മരുന്നുകളുമായി യുവതി പിടിയിലായി.

90ഗ്രാം എംഡിഎംഎ, 9 ഗ്രാം ഹാഷിഷ് ഓയിൽ എന്നിവയുമായി കൊച്ചി സ്വദേശി ജ്യോതിയെയാണ് പൊലീസ് പിടികൂടിയത്.

ഹിൽപാലസ് പൊലീസിന് കിട്ടിയ രഹസ്യ വിവരത്തെ തുടർന്നാണ് സ്റ്റാച്യു ജംഗ്ഷന് സമീപത്തെ അപ്പാർട്ട്മെന്റിൽ പരിശോധന നടത്തിയത്.

തൃപ്പൂണിത്തുറ താലൂക്ക് ആശുപത്രിയിൽ മെഡിക്കൽ പരിശോധന പൂർത്തിയാക്കിയ ജ്യോതിയെ കോടതിയിൽ ഹാജരാക്കി റിമാൻഡ് ചെയ്തു.