കോവിഡ് പിടിമുറുക്കുന്നു; ജീവനക്കാരുടെ അഭാവവും യാത്രക്കാര് കുറഞ്ഞതും റെയിൽവേയ്ക്ക് തിരിച്ചടിയാകുന്നു; ഇന്ന് മുതല് ഈ മാസം 30 വരെ നാല് ട്രെയിന് സര്വിസുകള് റദ്ദാക്കി
സ്വന്തം ലേഖകൻ
കോഴിക്കോട്: കോവിഡ് വ്യാപനത്തെ തുടര്ന്ന് ശനിയാഴ്ച മുതല് ഈ മാസം 30 വരെ നാല് ട്രെയിന് സര്വിസുകള് റദ്ദാക്കിയതായി ദക്ഷിണ റെയില്വേ പാലക്കാട് ഡിവിഷന് അറിയിച്ചു.
ജീവനക്കാരുടെ അഭാവവും യാത്രക്കാര് കുറഞ്ഞതുമാണ് താല്ക്കാലികമായി റദ്ദാക്കാന് കാരണം.
Whatsapp Group 1 | Whatsapp Group 2 |Telegram Group
16610 മംഗളൂരു സെന്ട്രല്-കോഴിക്കോട് എക്സ്പ്രസ്, 06481 കോഴിക്കോട്-കണ്ണൂര് അണ്റിസര്വ്ഡ് എക്സ്പ്രസ്, 06469 കണ്ണൂര്-കോഴിക്കോട് അണ്റിസര്വ്ഡ് എക്സ്പ്രസ്, 06491 ചെറുവത്തൂര്-മംഗളൂരു സെന്ട്രല് സര്വിസാണ് റദ്ദാക്കിയത്.
ശനിയാഴ്ച മുതല് 27 വരെ നാലു ട്രെയിനുകള് റദ്ദാക്കിയതായി റെയില്വെ നേരത്തെ അറിയിച്ചിരുന്നു. നാഗര് കോവില് -കോട്ടയം എക്സ്പ്രസ് (16366), കൊല്ലം -തിരുവനന്തപുരം അണ്റിസര്വ്ഡ് എക്സ്പ്രസ് (06425), കോട്ടയം -കൊല്ലം അണ്റിസര്വ്ഡ് എക്സ്പ്രസ് (06431), തിരുവനന്തപുരം -നാഗര്കോവില് അണ്റിസര്വ്ഡ് എക്സ്പ്രസ് (06435) എന്നിവയാണ് 27 വരെ റദ്ദാക്കിയത്.