തിരുവല്ല നഗര മധ്യത്തിൽ വൻ തീ പിടുത്തം; കെ.എസ്.ആർ.ടി.സിക്കു സമീപത്തെ കെട്ടിടത്തിലാണ് തീ പടർന്നു പിടിച്ചത്

സ്വന്തം ലേഖകൻ

തിരുവല്ല: തിരുവല്ല നഗര മധ്യത്തിൽ വൻ തീ പിടുത്തം. കെ.എസ്.ആർ.ടി.സിക്കു സമീപത്തെ കെട്ടിടത്തിലാണ് തീ പടർന്നു പിടിച്ചത്.

രാത്രി 10.15 ഓടെയാണ് തീ ആളിപ്പടർന്നത്.

തിരുവല്ല നഗരമധ്യത്തിൽ കെ.എസ്.ആർ.ടി.സി ബസ് സ്റ്റാൻഡിനു സമീപത്ത് പിസാ ഹട്ടും, രാഗം ടെക്സ്റ്റൈൽസും പ്രവർത്തിക്കുന്ന കെട്ടിടത്തിനു പിന്നിലാണ് വൻ തീയും പുകയും കണ്ടത്. ഈ കെട്ടിടത്തിന്റെ രണ്ടാം നിലയുടെ ഭാഗത്തു നിന്നും തീ ആളിപ്പടരുന്നത് കണ്ട നാട്ടുകാരാണ് വിവരം അഗ്നിരക്ഷാ സേനയിൽ അറിയിച്ചത്.

പ്രദേശത്ത് ആകെ തീയും പുകയും പടർന്നു പിടിച്ചിരിക്കുകയാണ്.

തിരുവല്ല അഗ്നിരക്ഷാ യൂണിറ്റിൽ നിന്നുള്ള അഗ്നിരക്ഷാ സേനാ സംഘം സ്ഥലത്ത് എത്തിയിട്ടുണ്ട്. രണ്ട് യൂണിറ്റ് അഗ്നിരക്ഷാ സേനാ സംഘമാണ് സ്ഥലത്ത് രക്ഷാ പ്രവർത്തനം നടത്തുന്നത്.