തൃപ്പൂണിത്തുറയിലെ എആര്‍ ക്യാമ്പിലെ പൊലീസ് നായ ‘ഒലിവര്‍’ വാഹനമിടിച്ച്‌ ചത്തു; പോസ്റ്റുമോർട്ടത്തിന് ശേഷം ഔദ്യോഗിക ബഹുമതികളോടെ മൃതദേഹം സംസ്കരിച്ചു

സ്വന്തം ലേഖിക

കൊച്ചി: തൃപ്പൂണിത്തുറ, ഹില്‍പ്പാലസ് എ ആര്‍ ക്യാമ്പിലെ പൊലീസ് നായ വാഹനമിടിച്ച്‌ ചത്തു.

ഒലിവര്‍ എന്ന ഒന്നരവയസുള്ള നായയാണ് മരിച്ചത്.

രാത്രി നടത്തത്തിനിടെ ക്യാമ്പ് പരിസരത്തിന് പുറത്തേക്ക് ഓടിയതിനിടെ ആണ് വാഹനമിടിച്ചത്. ഏത് വണ്ടിയാണ് ഇടിച്ചതെന്ന് കണ്ടെത്തിയിട്ടില്ല.

ജില്ലാ വെറ്റിനറി ആശുപത്രിയിലെ പോസ്റ്റുമോര്‍ട്ടത്തിന് ശേഷം ഔദ്യോഗിക ബഹുമതികളോടെ മൃതദേഹം സംസ്കരിച്ചു.