അപകടാവസ്ഥയിലായ തിരുനക്കര ബസ് സ്റ്റാന്‍ഡ് ഷോപ്പിംഗ് കോംപ്ലക്സ് ഉടൻ പൊളിച്ചു നീക്കുന്നതിന് നടപടി സ്വീകരിക്കണം: ഹൈക്കോടതി

സ്വന്തം ലേഖിക

തിരുനക്കര: തിരുനക്കര ബസ് സ്റ്റാന്‍ഡ് ഷോപ്പിംഗ് കോംപ്ലക്സ് പൊളിക്കുന്നതിന് ഉടൻ നടപടികൾ സ്വീകരിച്ച് അറിയിക്കാൻ ഹൈക്കോടതി ഉത്തരവ്.

അപകടാവസ്ഥയിലായ കെട്ടിടം പൊളിച്ച് നീക്കണമെന്നാവശ്യപ്പെട്ട് 2020- ൽ നല്കിയ പൊതുതാല്പര്യ ഹർജിയിലെ ഹൈക്കോടതി ഉത്തരവ് ഒന്നര വർഷമായിട്ടും കോട്ടയം നഗരസഭ നടപ്പാക്കിയില്ലെന്ന് കാണിച്ച് വിവരാവകാശ പ്രവർത്തകനായ മഹേഷ് വിജയൻ നൽകിയ കോടതി അലക്ഷ്യ ഹർജിയിലാണ് നടപടി.

പൊളിക്കുന്നതിന് സ്വീകരിച്ച നടപടികൾ വ്യക്തമാക്കി വിശദമായ സത്യവാംഗ്മൂലം സമർപ്പിക്കാനാണ് ഹൈക്കോടതി നഗരസഭയ്ക്ക് നിർദ്ദേശം നല്കിയിരിക്കുന്നത്. കേസ് ജൂലൈ 29 ന് വീണ്ടും പരിഗണിക്കും.