![തിരുനക്കരയിൽ സീബ്രാലൈനുകൾ ഇല്ല; കാൽ നടയാത്രക്കാർ ദുരിതത്തിൽ; ജോസ്കോ ജൂവലറിക്ക് മുൻപിലും; പബ്ളിക് ലൈബ്രറിക്ക് മുൻപിലുമുണ്ടായിരുന്ന സീബ്രാലൈനുകൾ മാഞ്ഞുപോയിട്ട് മാസങ്ങൾ; സ്ത്രീകളും കുട്ടികളുമടക്കമുള്ളവർ റോഡ് മുറിച്ച് കടക്കുന്നത് ജീവൻ പണയം വെച്ച്; കണ്ടില്ലെന്ന് നടിച്ച് അധികൃതർ തിരുനക്കരയിൽ സീബ്രാലൈനുകൾ ഇല്ല; കാൽ നടയാത്രക്കാർ ദുരിതത്തിൽ; ജോസ്കോ ജൂവലറിക്ക് മുൻപിലും; പബ്ളിക് ലൈബ്രറിക്ക് മുൻപിലുമുണ്ടായിരുന്ന സീബ്രാലൈനുകൾ മാഞ്ഞുപോയിട്ട് മാസങ്ങൾ; സ്ത്രീകളും കുട്ടികളുമടക്കമുള്ളവർ റോഡ് മുറിച്ച് കടക്കുന്നത് ജീവൻ പണയം വെച്ച്; കണ്ടില്ലെന്ന് നടിച്ച് അധികൃതർ](https://i0.wp.com/thirdeyenewslive.com/storage/2022/06/thirunakkara-1.jpeg?fit=1280%2C582&ssl=1)
തിരുനക്കരയിൽ സീബ്രാലൈനുകൾ ഇല്ല; കാൽ നടയാത്രക്കാർ ദുരിതത്തിൽ; ജോസ്കോ ജൂവലറിക്ക് മുൻപിലും; പബ്ളിക് ലൈബ്രറിക്ക് മുൻപിലുമുണ്ടായിരുന്ന സീബ്രാലൈനുകൾ മാഞ്ഞുപോയിട്ട് മാസങ്ങൾ; സ്ത്രീകളും കുട്ടികളുമടക്കമുള്ളവർ റോഡ് മുറിച്ച് കടക്കുന്നത് ജീവൻ പണയം വെച്ച്; കണ്ടില്ലെന്ന് നടിച്ച് അധികൃതർ
സ്വന്തം ലേഖകൻ
കോട്ടയം: തിരുനക്കരയിലെ സീബ്രാലൈനുകൾ മാഞ്ഞതിനാൽ കാൽ നടയാത്രക്കാർ ദുരിതത്തിൽ.
നഗരത്തിലെ ഏറ്റവും തിരക്കേറിയ ഭാഗമയാ ഗാന്ധി സ്ക്വയറിന് സമീപത്തെ ജോസ്കോ ജൂവലറിക്ക് മുൻപിലും പബ്ളിക് ലൈബ്രറിക്ക് മുൻപിലുമുള്ള സീബ്രാലൈനുകളാണ് മാഞ്ഞ് പോയത് .
Whatsapp Group 1 | Whatsapp Group 2 |Telegram Group
തിരുനക്കര ബസ്സ്സ്റ്റാൻഡിലേക്കും, ക്ഷേത്രത്തിലേക്കും, ചന്തക്കവല, പുളിമൂട് ജംങ്ഷൻ, പോസ്റ്റ് ഓഫിസ് തുടങ്ങിയ സ്ഥലങ്ങളിലേക്കെല്ലാം കാൽ നടയാത്രക്കാർ ധാരാളമായി സഞ്ചരിക്കുന്ന നഗരത്തിലെ ഏറ്റവും തിരക്കേറിയ ഭാഗമാണിവിടം.
ഇവിടെയാണ് ഇത്തരത്തിൽ മാസങ്ങളായി സീബ്രാലൈനുകൽ മാഞ്ഞിരിക്കുന്നത്.
കുട്ടികൾ മുതൽ വൃദ്ധരായവരുൾപ്പെടെ നിരവധി ആളുകൾ ദിനംപ്രതി പല ആവശ്യങ്ങൾക്കായി റോഡ് മുറിച്ചു കടക്കുന്ന പ്രദേശമാണിവിടം. പലപ്പോഴും സീബ്രാലൈനുകൾ ഇല്ലാത്തതിനാൽ ഡ്രൈവർമാർ വേഗത കുറയ്ക്കാതെ എത്തുന്നു.
ഇതുമൂലം പലപ്പോഴും കാൽ നടയാത്രക്കാരെ വാഹനങ്ങൾ തട്ടുന്നതും നിത്യ സംഭവമാണ്.