കോട്ടയം കുമരകത്ത് പ്രസവത്തെ തുടർന്ന് യുവതിക്ക് ദാരൂണാന്ത്യം : മരിച്ചത് ചുള ഭാഗം സ്വദേശിനി; സിസേറിയനു വേണ്ടി യുവതിക്കു അനസ്തീഷ്യാ നൽകിയതിന് ശേഷം ബോധം തിരിച്ചു കിട്ടാൻ വൈകി

സ്വന്തം ലേഖകൻ 

കുമരകം : പ്രസവത്തെ തുടർന്ന് യുവതി മരിച്ചു. ചുള ഭാഗത്ത് തൈത്തറ നിധീഷിന്റെ ഭാര്യ രജിത (33 ) ആണ് മരിച്ചത്. കഴിഞ്ഞ വാഴാഴ്ച കടപ്പുറം ആശുപത്രിയിലായിരുന്നു പ്രസവം. സിസേറിയനു വേണ്ടി യുവതിക്കു അനസ്തീഷ്യാ നൽകിയിരുന്നു.

ബോധം തിരിച്ചു കിട്ടാൻ വൈകിയതോടെ വണ്ടാനം മെഡിക്കൽ കോളേജിലേക്ക് മാറ്റി. മെഡിക്കൽ കാേളേജിൽ എത്തിച്ചിട്ട് നാലു ദിവസമായിട്ടും അബോധാവസ്ഥയിൽ തുടരുകയായിരുന്നുവെന്ന് ബന്ധുക്കൾ പറഞ്ഞു.

ഇന്ന് ഉച്ചയാേടെ മരണം സംഭവിക്കുകയായിരുന്നു. യുവതിയുടെ രണ്ടാമത്തെ പ്രസവമായിരുന്നു. ആൺകുട്ടിയാണ്. മൂത്ത മകൾ അർച്ചന (8). മുഹമ്മ പൊന്നാട് പുത്തൻ പുരയ്ക്കൽ രവി – പെണ്ണമ്മ ദമ്പതികളുടെ മകളാണ് രജിത.

പോസ്റ്റ് മോർട്ടത്തിന് ശേഷം മൃതദേഹം വണ്ടാനം മെഡിക്കൽ കോളേജ് മോർച്ചറിയിലേക്ക് മാറ്റി. ആശുപത്രിയ്ക്ക് എതിരെ ബന്ധുക്കൾ ആരോഗ്യ മന്ത്രിയ്ക്ക് പരാതി നൽകി.