മോട്ടോർ വാഹന വകുപ്പ് ഇൻഡിഗോ എയർലൈൻസിന്റെ ബസ് പിടിച്ചെടുത്തു

കോഴിക്കോട്: ഇൻഡിഗോ എയർലൈൻസിന്‍റെ ബസ് നികുതി അടയ്ക്കാതെ സർവീസ് നടത്തിയതിനെ തുടർന്ന് മോട്ടോർ വാഹന വകുപ്പ് പിടിച്ചെടുത്തു. അറ്റകുറ്റപ്പണിക്കായി കൊണ്ടുവന്ന ബസ് ഇന്ന് വൈകുന്നേരം ഫറോക്ക് ചുങ്കത്തിലെ വർക്ക്ഷോപ്പിൽ നിന്നും എംവിഡി പിടിച്ചെടുത്തു.

ആറ് മാസമായി കുടിശ്ശിക അടയ്ക്കാത്തതിന്‍റെ അടിസ്ഥാനത്തിലാണ് കരിപ്പൂർ വിമാനത്താവളത്തിൽ ഓടുന്ന ബസ് മോട്ടോർ വാഹന വകുപ്പ് പിടികൂടിയത്.