മതംമാറ്റത്തിന് വിധേയരായ സ്ത്രീകള്‍ക്ക് പുനരധിവാസ സഹായവുമായി “ദി കേരള സ്റ്റോറി’ നിര്‍മാതാക്കള്‍.മതപരിവര്‍ത്തനത്തിന് വിധേയരായ മൂന്നുറോളം പേര്‍ക്ക് സഹായം!!!!

സ്വന്തം ലേഖകൻ

മുബൈ: നിര്‍ബന്ധിത മതപരിവര്‍ത്തനത്തിന് വിധേയരായ പെണ്‍കുട്ടികള്‍ക്ക് പുനരധിവാസം ഉറപ്പാക്കാന്‍ സാമ്ബത്തികസഹായം നല്‍കാനൊരുങ്ങി വിവാദചിത്രം ‘ദ കേരള സ്റ്റോറി’യു‌ടെ അണിയറ പ്രവര്‍ത്തകര്‍.

മതപരിവര്‍ത്തനത്തിന് വിധേയരായി എന്ന് അവകാശപ്പെട്ട മൂന്നുറോളം പേര്‍ക്ക് സഹായം എത്തിക്കുമെന്നാണ് ചിത്രത്തിന്‍റെ നിര്‍മാതാക്കള്‍ അറിയിച്ചിരിക്കുന്നത്.

ഇതിനായി 51 ലക്ഷം രൂപ മാറ്റിവയ്ക്കുമെന്നും നിര്‍മാതാവ് വിപുല്‍ ഷാ, സംവിധായകന്‍ സുദിപ്തോ സെന്‍ എന്നിവര്‍ അറിയിച്ചു.

മതപരിവര്‍ത്തനത്തിന് വിധേയരായി എന്ന് അവകാശപ്പെട്ട 26 പെണ്‍കുട്ടികളെ പങ്കെടുപ്പിച്ച്‌ മുംബൈയില്‍ നടത്തിയ പരിപാടിയില്‍ വച്ചാണ് ഈ പ്രഖ്യാപനം നടത്തിയത്.