തലശ്ശേരി റെയിൽവേ സ്റ്റേഷനിൽ കമ്പാർട്ട്മെൻ്റ് മാറി കയറി യുവതി; ഇറങ്ങാനുള്ള ശ്രമത്തിനിടെ ഫ്ലാറ്റ്ഫോമിൽ വീണു; ട്രെയിനിനിടയിൽ പെട്ട് യുവതിയുടെ ഇടതുകാലിൻ്റെ പാദമറ്റു

സ്വന്തം ലേഖകൻ

തലശ്ശേരി: ട്രെയിനിൽ കമ്പാർട്ട്മെൻ്റ് മാറി കയറിയ യുവതി സ്റ്റേഷനിൽ ഇറങ്ങുന്നതിനിടെ പ്ലാറ്റ്ഫോമി്‍ വീണ് അപകടം. മുന്നോട്ടെടുത്ത ട്രെയിനിനിടയിൽ പെട്ട് യുവതിയുടെ ഇടതുകാലിന്റെ പാദമറ്റു.

തിരുവനന്തപുരം – ലോകമാന്യതിലക് ട്രെയിനിൽ തിരൂരേക്ക് യാത്ര ചെയ്യാനെത്തിയ പയ്യാവൂർ സ്വദേശിനി മിനി ജോസഫാണ് (47) അപകടത്തിൽ പെട്ടത്. എ.സി കമ്പാർട്ട്മെൻ്റിൽ കയറിയ യുവതി മാറി കയറാനുള്ള ശ്രമത്തിനിടെ ഇറങ്ങുമ്പോഴായിരുന്നു അപകടം.

ഗുരുതരമായി പരിക്കേറ്റ മിനി ജോസഫിനെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചു. തലശ്ശേരി റെയിൽവേ സ്റ്റേഷനിൽ രാവിലെ 7.15 നാണ് അപകടം നടന്നത്.