ആറാട്ട് എഴുന്നള്ളിപ്പിനിടെ ആന ഇടഞ്ഞു; ക്ഷേത്രത്തിലെ ഭണ്ഡാരങ്ങള്‍ തകര്‍ത്തു; വൈക്കം സ്വദേശിയായ പാപ്പാൻ ആശുപത്രിയില്‍

കോഴിക്കോട്: കോഴിക്കോട് കൊയിലാണ്ടിയില്‍ ആന ഇടഞ്ഞു, പാപ്പാന് പരിക്ക്.

വിയ്യൂർ വിഷ്ണു ക്ഷേത്രത്തിലെ ആറാട്ട് എഴുന്നള്ളിപ്പിനിടെ പാക്കത്ത് ശ്രീക്കുട്ടൻ എന്ന കൊമ്ബനാണ് ഇടഞ്ഞത്.

ആന പാപ്പാൻ കോട്ടയം വൈക്കം സ്വദേശി സുമേഷിന് പരിക്കേറ്റു. ഇയാളെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

പുലർച്ചെ 12 മണിയോടെയാണ് സംഭവം. ആറാട്ട് കഴിഞ്ഞു ക്ഷേത്രത്തില്‍ നിന്നും ഇറങ്ങുന്നതിനിടെയാണ് ആന ഇടഞ്ഞത്. ക്ഷേത്രത്തിലെ ഭണ്ഡാരങ്ങള്‍ തകർത്തു.