ഇനി ഞാന്‍ മടങ്ങട്ടെയെന്ന്‌ കോവിഡ്; വ്യാപനത്തില്‍ വന്‍ കുറവ്‌, ചികിത്സയില്‍ ഏറെയും 80 കഴിഞ്ഞവര്‍, പുതിയ വകഭേദത്തില്‍ ആശങ്ക, ആന്തരികാവയങ്ങളെ ബാധിക്കാനിടയുണ്ടെന്ന് ആരോഗ്യരംഗത്തെ വിദഗ്‌ദ്ധർ…
സംസ്‌ഥാനത്തു കോവിഡ് രോഗബാധയുമായി ബന്ധപ്പെട്ട്‌ ആശുപത്രിയില്‍ ചികിത്സയില്‍ കഴിയുന്നവരുടെ എണ്ണം ഗണ്യമായി കുറഞ്ഞതായി ഇന്ത്യന്‍ മെഡിക്കല്‍ അസോസിയേഷന്‍ കേരള ഘടകം. ഇന്നലെ ചേര്‍ന്ന യോഗത്തിലാണ്‌ ഇക്കാര്യം റിപ്പോര്‍ട്ട്‌ ചെയ്‌തത്‌. “ഓണത്തിനു ശേഷമുണ്ടായ കോവിഡ് രോഗികളുടെ കുതിപ്പിനു നല്ല രീതിയില്‍ ശമനമുണ്ടായി. നിലവില്‍ ആശുപത്രിയില്‍ കോവിഡുമായി ബന്ധപ്പെട്ട അസുഖങ്ങളുമായി ചികിത്സയില്‍ കഴിയുന്നവര്‍ 80 വയസിനു മുകളിലുള്ളവരാണെന്നു റിപ്പോര്‍ട്ടുണ്ട്‌. കോവിഡുമായി ബന്ധപ്പെട്ടു തീവ്രപരിചരണ വിഭാഗത്തില്‍ പ്രവേശിപ്പിക്കുന്നവരുടെയും ഓക്‌സിജന്‍ വേണ്ടിവരുന്നവരുടെയും എണ്ണവും കുറഞ്ഞു. ആശുപത്രിയില്‍ ചികിത്സ തേടുന്നവരുടെ എണ്ണം കുറഞ്ഞതു സമൂഹത്തില്‍ കോവിഡ് രോഗവ്യാപനം ഗണ്യമായി കുറഞ്ഞതിന്റെ സൂചനമാണ്‌. […]
