വീട്ടിൽ കൊണ്ടുവിടാമെന്ന് പറഞ്ഞ് ഒട്ടോയിൽ കയറ്റി; വയോധികയുടെ കഴുത്തിൽ കയറിട്ട് മുറുക്കിയ ശേഷം ചുറ്റിക കൊണ്ട് തലക്കടിച്ച് മാല കവർന്ന ശേഷം യുവതിയും യുവാവും രക്ഷപ്പെട്ടു

സ്വന്തം ലേഖകൻ

തൃശൂർ: വീട്ടിൽ കൊണ്ടുവിടാമെന്ന് പറഞ്ഞ് യുവതിയും യുവാവും വയോധികയെ നിർബന്ധിച്ച് ഓട്ടോയിൽ കയറ്റി. ശേഷം കഴുത്തിൽ കയറിട്ട് മുറുക്കി ചുറ്റിക കൊണ്ട് തലക്കടിച്ച് പരിക്കേൽപ്പിച്ച ശേഷം മൂന്ന് പവൻ വരുന്ന മാല കവർന്നു. തൃശൂർ വടക്കഞ്ചേരിയിലാണ് സംഭവം നടന്നത്. തെക്കുംകര വട്ടായി സ്വദേശിയായ 70 വയസ്സുളള സുശീലയെ പരിക്കുകളോടെ തൃശൂർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

ഒരു യുവാവും യുവതിയും ചേർന്ന് വീട്ടിൽ കൊണ്ടപോയി വിടാമെന്ന് ധരിപ്പിച്ചാണ് സുശീലയെ നിർബന്ധപൂർവ്വമാണ് ഓട്ടോയിൽ കയറ്റിയതെന്നാണ് സുശീല പറഞ്ഞത്. ശേഷം കഴുത്തിൽ കയറിട്ട് മുറുക്കി ചുറ്റിക കൊണ്ട് തലക്കടിച്ച് മാല കവർന്ന ശേഷം സുശീലയെ ആളൊഴിഞ്ഞ പ്രദേശത്തേക്ക് തള്ളി അതിവേഗം ഓട്ടോറിക്ഷ ഓടിച്ചു പോവുകയായിരുന്നു. വയോധികയുടെ കരച്ചിൽ കേട്ട് ഓടി കൂടിയെത്തിയ നാട്ടുകാരാണ് പൊലീസിൽ വിവരമറിയിച്ചത്.