കളമശേരിയിൽ കാർ യൂടേൺ എടുക്കുന്നതിനിടെ ​ബൈക്കിലിടിച്ച് വിദ്യാർത്ഥിക്ക് ദാരുണാന്ത്യം ; മരിച്ചത് പത്തനംതിട്ട സ്വദേശി

കൊച്ചി: കാർ യൂടേൺ എടുക്കുന്നതിനിടെ ​ബൈക്കിലിടിച്ച് വിദ്യാർത്ഥി മരിച്ചു. കളമശേരി എസ് സി എംഎസ് കോളേജിന് മുന്നിലാണ് അ‌പകടം.

എസ്‌സിഎംഎസ് കോളജിലെ വിദ്യാർഥി, പത്തനംതിട്ട നന്നുവക്കാട് തെള്ളകം പുതുപ്പറമ്പിൽ പി.എ.സജിമോന്റെയും പി.ജെ.ഷീജയുടെയും മകൻ സോൻസ് ആന്റണി സജി (19) ആണ് മരിച്ചത്.

ബിബിഎ രണ്ടാം വർഷ വിദ്യാർഥിയാണ്. ആലുവ ഭാഗത്തുനിന്നു വരികയായിരുന്ന കാർ ഇടിച്ച്, ആന്റണി പാലത്തിന് അടിയിലേക്കു തെറിച്ചു വീഴുകയായിരുന്നു.

കോളജിൽ ഓണാഘോഷ പരിപാടികൾ നടക്കുന്നതിനിടെയായിരുന്നു അപകടം. ഇതോടെ ഓണാഘോഷം നിർത്തി വച്ചു.