സ്വകാര്യ ബസ്സില്‍ നിന്നും പുറത്തേക്ക് തെറിച്ചു വീണ് വിദ്യാർഥിനിക്ക് പരിക്ക് ; ബസ് ജീവനക്കാരെ കസ്റ്റഡിയിലെടുത്ത് പോലീസ്

കൊല്ലം : കൊട്ടാരക്കര പുത്തൂരില്‍ സ്വകാര്യ ബസ്സില്‍ നിന്നും തെറിച്ചു വീണ് വിദ്യാർഥിനിക്ക് പരിക്ക്. കൊട്ടാരക്കര മാർത്തോമാ ഗേള്‍സ് ഹൈസ്കൂളിലെ വിദ്യാർഥിനിക്കാണ് പരിക്കേറ്റത്.

പരിക്കേറ്റ കുട്ടിയെ സ്വകാര്യ ആശുപത്രിയില്‍ പ്രവേശിപ്പിച്ചു. സംഭവത്തിൽ ബസും രണ്ട് ജീവനക്കാരെയും പുത്തൂർ പൊലീസ് കസ്റ്റഡിയിലെടുത്തു.

രാവിലെ ഒന്‍പതരയോടെയാണ് സംഭവം നടന്നത്. പൂത്തൂര്‍ കല്ലുംമൂട്ടില്‍ നിന്നുമാണ് വിദ്യാര്‍ത്ഥി ബസില്‍ കയറിയ വിദ്യാർത്ഥി ബസ്സിലെ തിരക്കു കാരണം ഡോറിന് സമീപമാണ് നിന്നിരുന്നത്.

ഇതിനിടെ പെട്ടെന്ന് വിദ്യാർത്ഥി റോഡിലേക്ക് തെറിച്ചു വീഴുകയായിരുന്നു, വീഴ്ചയിൽ തലയ്ക്ക് പരിക്കേറ്റിട്ടുണ്ട്.

ഡ്രൈവര്‍ക്ക് തുറക്കാന്‍ സാധിക്കുന്ന ഓട്ടോമാറ്റിക്ക് ഡോറാണ് ബസിനുള്ളത്. അപകടത്തിന് കാരണം എന്താണെന്ന് വ്യക്തമായിട്ടില്ല.