ര​ണ്ട​ര വ​ര്‍​ഷം മുമ്പ് പ്രണയിച്ചു വിവാഹം കഴിച്ചു; കുടുംബജീവിതത്തിൽ അസ്വാരസ്യങ്ങൾ ഉണ്ടായതോടെ മകനുമായി യുവതി വിദേശത്തേക്ക്; കോടതി ഉത്തരവുണ്ടായിട്ടും മകനെ കാണാൻ അമ്മ സമ്മതിക്കുന്നില്ല; ഭാര്യയുടെ വീട്ടുപടിക്കൽ ഉപവാസ സമരവുമായി യുവാവ്

സ്വന്തം ലേഖകൻ

വടകര: മകനെ കാണാന്‍ കോടതി ഉത്തരവുണ്ടായിട്ടും ഭാര്യ സമ്മതിക്കുന്നില്ലെന്ന കാരണത്താൽ ഭാര്യയുടെ വീട്ടുപടിക്കല്‍ ഭര്‍ത്താവിന്റെ ഉപവാസ സമരം.

ചോ​മ്പാ​ല സ്വ​ദേ​ശി ബൈ​ത്തു​ല്‍ നൂ​റി​ല്‍ കേ​ളോ​ത്ത് മു​ഹ​മ്മ​ദ് മു​ഷ്താ​ഖ് ആ​ണ് മാ​ടാ​ക്ക​ര​യി​ലെ ഭാ​ര്യ​യു​ടെ വീ​ടി​നു​മു​ന്നി​ല്‍ ഉപവാസം ന​ട​ത്തു​ന്ന​ത്. ര​ണ്ട​ര വ​ര്‍​ഷം മു​മ്പായി​രു​ന്നു ഇ​വ​രു​ടെ പ്ര​ണ​യ വി​വാ​ഹം.

വി​വാ​ഹ​ജീ​വി​ത​ത്തി​ലെ അ​സ്വാ​ര​സ്യ​ത്തെ തു​ട​ര്‍​ന്ന് വ​ട​ക​ര കു​ടും​ബ​കോ​ട​തി​യി​ല്‍ കേ​സ് നി​ല​നി​ല്‍​ക്കെയാണ് മുഷ്താക്കിന്റെ സമരം.വെ​ള്ളി​യാ​ഴ്ച രാ​വി​ലെ പ​ത്തി​നാ​ണ്​ മു​ഷ്താ​ഖ് സു​ഹൃ​ത്തു​ക്ക​ളോ​ടൊ​പ്പ​മെ​ത്തി ഭാ​ര്യ​യു​ടെ വീ​ട്ടി​നു മു​ന്നി​ല്‍ പ​ന്ത​ല്‍ കെ​ട്ടി ഉ​പ​വാ​സം തു​ട​ങ്ങി​യ​ത്.

ഒ​ന്ന​ര വ​യ​സ്സു​ള്ള മ​ക​നെ കാണണമെന്ന അ​പേ​ക്ഷ​യി​ല്‍ കോ​ട​തി അ​നു​കൂ​ല വി​ധി ഉണ്ടായി. എ​ന്നാ​ല്‍, മ​ക​നെ കാ​ണി​ക്കാ​തെ ഭാ​ര്യ​യെ ബ​ന്ധു​ക്ക​ള്‍ വി​ദേ​ശ​ത്തേ​ക്കു കടത്തിയെ​ന്നും നീ​തി ല​ഭി​ക്ക​ണ​മെ​ന്നാ​വ​ശ്യ​പ്പെ​ട്ടാ​ണ് ഉ​പ​വാ​സ​മെ​ന്നും ആണ് മു​ഷ്താ​ഖ് പറയുന്നത്.

എന്നാൽ, വീ​ടി​നു​മുന്നി​ല്‍ അ​നി​ശ്ചി​ത​കാ​ല ഉ​പ​വാ​സം ന​ട​ത്തു​മെ​ന്ന് മു​ഷ്താ​ഖ് വ്യ​ക്ത​മാ​ക്കി. തുടര്‍ പഠനത്തിനായി യു​വ​തി വി​ദേ​ശ​ത്തു​പോ​യ​താ​ണെ​ന്നും ഉപവാസത്തി​നു​പി​ന്നി​ല്‍ അ​പ​മാ​നി​ക്കാ​നു​ള്ള ശ്ര​മ​മാ​ണെ​ന്നും കേ​സ് കോ​ട​തി​യി​ലാ​യ​തി​നാ​ല്‍ നി​യ​മ​പ​ര​മാ​യി നേ​രി​ടു​മെ​ന്നും യു​വ​തി​യു​ടെ ബന്ധുക്ക​ള്‍ പ​റ​ഞ്ഞു.

സം​ഭ​വ​മ​റി​ഞ്ഞ് ചോ​മ്പാ​ല പോ​ലീ​സ്​ സ്ഥ​ല​ത്തെ​ത്തി പ്ര​ശ്നം നാ​ട്ടു മ​ധ്യ​സ്ഥ​ര്‍ മു​ഖേ​ന പ​രി​ഹ​രി​ക്കാ​ന്‍ ശ്ര​മം ന​ട​ത്തി​യെ​ങ്കി​ലും വി​ജ​യി​ച്ചി​ല്ല.