അ‌മേരിക്കയിലെ ഷോപ്പിങ് മാളിൽ വെടിവയ്പ്പ്; മൂന്ന് പേർ കൊല്ലപ്പെട്ടു; രണ്ട് പേർക്ക് പരിക്ക്

സ്വന്തം ലേഖകൻ

യുഎസ്എ: അ‌മേരിക്കയിൽ വീണ്ടും വെടിവയ്പ്പ്. അമേരിക്കയിലെ ഇൻഡ്യാന സ്റ്റേറ്റ് മാളിലെ ഫുഡ് കോർട്ടിലാണ് അ‌ജ്ഞാതൻ വെടിയുതിർത്തത്.

വെടിവെപ്പിൽ മൂന്നുപേർ കൊല്ലപ്പെടുകയും രണ്ടുപേർക്ക് പരിക്കേൽക്കുകയും ചെയ്തു. ഞായറാഴ്ച വൈകീട്ടാണ് സംഭവം.

ഇൻഡ്യാനയിലെ ഗ്രീൻവുഡ് പാർക്ക് മാളിൽ തോക്കും നിരവധി മാഗസിനുകളുമായെത്തിയ അക്രമി ഫുഡ് കോർട്ടിൽ വെടിയുതിർക്കുകയായിരുന്നെന്ന് ഗ്രീൻവുഡ് പൊലീസ് മേധാവി ജിം ഐസൺ പറഞ്ഞു.

വിവരമറിഞ്ഞ് വൈകീട്ട് ആറോടെയാണ് പൊലീസ് സംഭവസ്ഥലത്തെത്തിയത്. ആയുധധാരിയായ ഒരാൾ അക്രമിയെ കൊലപ്പെടുത്തിയതായും പൊലീസ് അറിയിച്ചു.